پەتروپاۆل قالاسىندا تۇراتىن 1955 جىلعى ەر ادام مەن 1988 جىلعى ايەل ادامنان كوروناۆيرۋس ينفەكتسياسى انىقتالدى. ولار COVID-19-عا ۆيرۋستى جۇقتىرعان اداممەن جاقىن قارىم-قاتىناستا بولۋىنا بايلانىستى تەكسەرىلگەن. ولاردىڭ دا ۆيرۋستى جۇقتىرعانى انىقتالعاننان كەيىن ء«بىرىنشى قالالىق اۋرۋحانا» شجق كمك جۇقپالى اۋرۋلار بولىمىنە جاتقىزىلدى. كلينيكالىق بەلگىلەرى جوق.
بۇل ازاماتتارمەن بايلانىستا بولعان 7 ادام انىقتالدى. ەپيدەميولوگيالىق تەرگەۋ جۇمىستارى قولعا الىنعان.
وتكەن تاۋلىكتەگى جاعداي بويىنشا سقو اۋماعىندا COVID-19 ۆيرۋسىن جۇقتىرعان جالپى 61 ادام تىركەلگەن, ولاردىڭ ىشىندە 43 ناۋقاس ساۋىعىپ شىققان.
