پىكىر • 03 ماۋسىم، 2020

وڭ وزگەرىستەرگە جول اشادى

14 رەت كورسەتىلدى

مەملەكەت باسشىسى قاسىم-جومارت توقاەۆتىڭ توراعالىعىمەن وتكەن ۇلتتىق قوعامدىق سەنىم كەڭەسىنىڭ وتىرىسى ەڭ ماڭىزدى ءبىلىم مەن عىلىم سالاسىنداعى قوردالانعان ماسەلەلەردى تالقىلاۋعا جانە شەشىمىن تابۋعا ارنالدى. وتىرىستا وزەكتى ويلار ايتىلىپ، ناقتى ماقسات-مىندەتتەر ايقىندالدى.

سونىڭ ىشىندە ماعان ەرەكشە ۇناعانى – اتالعان سالاعا بولىنەتىن قارجىنىڭ ارتتىرىلاتىنى تۋرالى شەشىم بولدى. ءبىلىم بەرۋ جۇيەسى لايىقتى ناتيجە كورسەتىپ، ەلدىڭ دامۋىنا قارقىندى ۇلەس قوسىپ وتىرعان فينليانديا، سينگاپۋر سەكىلدى ەلدەر بىلىمگە قارجى بولۋدەن الدىڭعى ورىندا تۇر. ال بىزدە ءبىلىم بەرۋگە بولىنەتىن قارجى جوعارىدا اتاپ وتكەن ەلدەرمەن سالىستىرعاندا ەكى ەسەگە دەيىن تومەن. بۇل ءوز كەزەگىندە مەك­تەپ­تەرىمىزدىڭ ساپاسىنا، مۇعالىم­دەرى­مىزدىڭ دايىندىعىنا تىكەلەي اسەر ەتەدى.

بۇدان بولەك پرەزيدەنت قازاق­ستاندىق مەكتەپ وقۋشىلارىنىڭ PISA (Programme for International Student Assessment)، TIMSS (Trends in International Mathematics and Science Study) سىندى حالىقارالىق زەرتتەۋلەردىڭ قورىتىندىسىنداعى تومەن كورسەتكىشىنە دە توقتالدى.  مۇنداي ناشار ناتيجەگە بىرنەشە فاكتورلار سەبەپ بولادى. سونىڭ باسىندا ەكى جانە ءۇش اۋىسىمدى مەكتەپتەر ماسەلەسى تۇر. سونىمەن قاتار شالعاي ەلدى مەكەندەردە، اۋىلداردا ورنالاسقان وقۋ وشاقتارىنىڭ جايى دا كوڭىل كونشىتپەيدى. وندا مۇعالىم جەتىسپەيدى، ياكي وقۋشى تاپپايدى. بۇل – تيىننىڭ ءبىر بەتىندەگى تۇيتكىلدەر. ال ەكىنشى جاعىندا «وسى مەكتەپتەر قالاي باسقارىلىپ جاتىر؟» دەگەن سالماقتى سۇراق بار. سەبەبى مينيسترلىك تاراپىنان وڭتايلى شەشىمدەر مەن رەفورمالار قابىلدانىپ جاتسا دا ونى ورىنداۋعا، تۇبەگەيلى وزگەرتىپ، ىسكە اسىرۋعا ديرەكتورلاردىڭ الەۋەتى نەمەسە قارجى جەتپەي جاتادى. ال بۇعان جەرگىلىكتى اتقارۋشى ورگاندار نەمەسە ءبىلىم باسقارمالارىنىڭ مينيسترلىك پەن مەكتەپتەر اراسىندا الشاقتىق ورناتىپ، كەدەرگى كەلتىرۋى تۇرتكى بولىپ وتىر. ءىرى قالالاردا بالكىم بىلىنبەيتىن بولار، شەت ايماقتارداعى ءبىلىم باسقارمالارى مەن بولىمدەرىنىڭ باسشىلارى وزدەرىن مينيسترلىك تاعايىنداماعاندىقتان اكىمدىكتىڭ ايتقانىمەن جۇرەدى. وسىدان ءتۇرلى قاراما-قايشىلىق تۋىپ، رەفورمانىڭ ناتيجەلى ىسكە اسۋىنا زيانى تيەدى.

مەملەكەت باسشىسى قولعا العان وڭ وزگەرىستەر بۇرىنعىدان دا قارقىندى ورىندالادى دەپ سەنەمىن. وعان بارلىق جاعداي جاسالىپ جاتىر. ايتالىق، پەداگوگيكالىق ماماندىقتارداعى ستۋدەنتتەردىڭ ستيپەندياسىن 42 مىڭ تەڭگەگە دەيىن ارتتىرۋ باسەكەلەستىكتى كۇشەيتىپ، ۇزدىك تۇلەكتەردىڭ ۇستازدىق جولدى تاڭداۋىنا سەپتەسەدى. نەگىزىنەن پەداگوگيكالىق جوعارى وقۋ ورىن­دارىنىڭ دا بەدەلىن كوتەرۋ كەرەك. سونداي-اق كەڭەستە ايتىلعان ماماندىق تاڭداۋ ماسەلەسىن جول­عا قويۋ ارقىلى ۇلگەرىمى جوعارى وقۋشىلارعا مۇعالىمدىك مامان­دىق­تى دارىپتەۋىمىز قاجەت.

ءسوزىمدى تۇيىندەي كەلسەم، ەڭ الدىمەن ءۇش اۋىسىمدى مەكتەپتەر ماسەلەسىن شۇعىل شەشۋگە ءتيىسپىز. ەكىنشىدەن، مۇعالىمدەردىڭ ساپاسىن ارتتىرۋ دا كەزەك كۇتتىرمەيدى. بۇل ءىستى پەداگوگيكالىق ماماندىقتارعا ءتۇسۋ تالاپتارىن كۇشەيتۋدەن باس­تاعان ءجون جانە ەڭ باستىسى مەك­تەپتەردى ءبىلىم جانە عىلىم مي­نيستر­لىگىنىڭ تىكەلەي قاراۋىنا بەرۋ قاجەت. مەكتەپتەر مەن مينيستر­لىك اراسىندا تۋرا بايلانىس بول­عاندا عانا رەفورمانىڭ قاي-قاي­سىسى بولماسىن جەمىستى جۇزەگە اسادى.

 

شاكارىم سەيسەمباي،

نۇر-سۇلتان قالاسىنداعى №54 مەكتەپ-ليتسەيىنىڭ ديرەكتورى، ء«جۇز جاڭا ەسىم» جوباسىنىڭ جەڭىمپازى

 

سوڭعى جاڭالىقتار

قحل اڭىزدارىنىڭ قاتارىندا

حوككەي • بۇگىن، 07:56

«اباي اندەرى» اسقاقتايدى

اباي • بۇگىن، 07:46

وڭىرلەردەگى جاعداي باقىلاۋدا

ۇكىمەت • بۇگىن، 07:37

قوعامدا سەنىم پايدا بولدى

قوعام • بۇگىن، 07:16

قاجەت سوزدەر ۋاقىتىندا ايتىلدى

رۋحانيات • بۇگىن، 07:10

ءموبيلدى توپ باقىلايدى

ايماقتار • بۇگىن، 07:03

ۇپايدان شاشاۋ شىقپايدى

تەننيس • بۇگىن، 07:01

كوڭىلگە مەدەۋ بولعان ۇندەۋ

قوعام • بۇگىن، 06:59

انتيبيوتيك كەرى اسەر ەتۋى مۇمكىن

مەديتسينا • بۇگىن، 06:57

COVID-19: كۇرەس شارالارىنا قارجى ءبولىندى

كوروناۆيرۋس • بۇگىن، 06:45

بەيقامدىقتان ارىلار ەمەس

قوعام • بۇگىن، 06:39

ءوندىرىس كولەمىن 5 ەسەگە ارتتىردى

تەحنولوگيا • بۇگىن، 06:36

ەرەكشە دارىن يەسى ەدى

رۋحانيات • بۇگىن، 06:35

ساقتىقتا قورلىق جوق

كوروناۆيرۋس • بۇگىن، 06:30

ۇقساس جاڭالىقتار