مۇرات دۇيسەنبەك ۇلى سونىمەن قاتار, «شىمكەنت سيتي» مەن «تۇران» شاعىن اۋداندارىندا مەملەكەتتىك بيۋدجەت ەسەبىنەن سالىنىپ جاتقان ۇيلەردىڭ قۇرىلىسىن ارالاپ شىقتى.
شاھار باسشىسى قۇرىلىس جۇمىستارىنىڭ قانداي ساپادا جۇرگىزىلىپ جاتقانىن باقىلاپ, مەردىگەرلەرگە جۇمىستى جانداندىرۋدى جانە قۇرىلىستا وتاندىق ماتەريالداردى پايدالانۋدى مىندەتتەدى. سونداي-اق, جاۋاپتى سالا باسشىلارىنا ينفراقۇرىلىم ماسەلەسىن كەشەۋىلدەتپەي تەز شەشۋدى تاپسىردى.
جالپى مەگاپوليستە بيىلعى جىلى «نۇرلى جەر» مەملەكەتتىك باعدارلاماسى اياسىندا جانە «7-20-25» باعدارلاماسىمەن, بارلىق قارجى كوزدەرى ەسەبىنەن 13 636 پاتەرلى 252 كوپقاباتتى تۇرعىن ءۇيدىڭ قۇرىلىسى جۇرگىزىلۋدە. ولاردىڭ جالپى اۋدانى ءبىر ميلليون شارشى مەتردى قۇرايدى. ونىڭ ىشىندە, 78 تۇرعىن ءۇي بيۋدجەت, 48 ءۇي «Shymkent» اكك» اق جانە 126 ءۇي جەكە سالۋشىلار ەسەبىنەن جۇرگىزىلىپ وتىر.
اعىمداعى جىلى 136 كوپقاباتتى تۇرعىن ءۇي نەمەسە 7561 پاتەر پايدالانۋعا بەرىلەدى.
شىمكەنت
