قازاقستان • 02 ماۋسىم، 2020

قورعانىس مينيسترلىگى كەڭەس وتكىزدى

27 رەت كورسەتىلدى

اپپاراتتىق كەڭەس بارىسىندا قورعانىس مينيسترلىگى مەن باس شتاب بولىمشەلەرىنىڭ باسشىلىق قۇرامى بولاشاق وفيتسەرلەردى قورىتىندى اتتەستاتتاۋ، ەلدەگى دەزينفەكتسيالىق جۇمىستاردىڭ ەكىنشى كەزەڭى، ارميا حالىقارالىق ويىندارىنا دايىندىق جانە ماسكەۋدەگى اسكەري پارادقا قاتىسۋ، سونداي-اق قارۋلى كۇشتەردەگى باسقا دا وزەكتى ماسەلەلەردى تالقىلادى، دەپ حابارلادى مينيسترلىكتىڭ ءباسپاسوز قىزمەتى.

كوروناۆيرۋس ىندەتىنە قارسى كۇرەستىڭ ەكىنشى كەزەڭى شەڭبەرىندە قازاقستاننىڭ 19 قالاسىندا ارنايى وڭدەۋدىڭ جيىنتىق وتريادتارى قالالىق اۋماقتار مەن نىسانداردى دەزينفەكتسيالاۋدى جالعاستىرادى. قالالىق قۇراما پۋنكتتەردى تالاپتارعا سايكەس دەزينفەكتسيا جۇمىستارى تاۋلىگىنە ەكى رەتتەن كەم ەمەس جۇرگىزىلەدى. قورعانىس ءمينيسترى نۇرلان ەرمەكباەۆ جەكە قۇرام مەن ازاماتتاردىڭ دەنساۋلىق قاۋىپسىزدىگىن قامتاماسىز ەتۋ ءۇشىن ءاربىر بولىنگەن نىساندى وڭدەۋ ءتاسىلى مۇقيات ۇيىمداستىرىلۋعا ءتيىس ەكەنىن اتاپ ءوتتى.

كارانتين رەجيمىن ساقتاي وتىرىپ 2019 جىلى كوكتەمدە اسكەرگە شاقىرىلعان مەرزىمدى قىزمەتتەگى اسكەري قىزمەتشىلەردى زاپاسقا شىعارۋ جالعاسۋدا.

2019 جىلى كوكتەمدە اسكەرگە شاقىرىلعان مەرزىمدى قىزمەتتەگى اسكەري قىزمەتشىلەردى زاپاسقا شىعارۋ جالعاسۋدا. قاۋىپتى جاعداي ساقتالعانىن ەسكەرە وتىرا، زاپاسقا شىعارىلعان جانە اسكەرگە شاقىرىلعانداردىڭ قاۋىپسىزدىگىن قامتاماسىز ەتۋ ءۇشىن قاجەتتى شارالار قابىلداندى.

قۇرلىق اسكەرلەرى اسكەري ينستيتۋتى مەن راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ ءبىتىرۋشى كۋرسانتتارى ءۇشىن ماڭىزدى كەزەڭ باستالدى. جوعارى وقۋ ورىندارىندا مەملەكەتتىك اتتەستاتتاۋ كوميسسياسى جۇمىسقا كىرىستى. قورعانىس مينيسترلىگىنىڭ، تۇرلەر قولباسشىلىعىنىڭ، اسكەر تەكتەرى مەن اسكەري بولىمدەرىنىڭ وكىلدەرىنەن قۇرىلعان كوميسسيا بىتىرۋشىلەردى دايارلاۋ ساپاسىنىڭ بىلىكتىلىك تالاپتارىنا سايكەس بولۋ دەڭگەيىن انىقتايدى. كەشەندى مەملەكەتتىك ەمتيحان ەكى كەزەڭدە وتكىزىلەدى. اتاپ ايتقاندا قارۋ-جاراق پەن اسكەري تەحنيكانى قولدانا وتىرىپ جۇرگىزىلەتىن تەوريالىق جانە پراكتيكالىق ءبولىم. قورىتىندى اتتەستاتتاۋدىڭ ماڭىزدى قۇرامداس بولىگى كۋرسانتتاردىڭ دەنە دايىندىعى بولىپ تابىلادى.

شەتەل اكادەميالارىندا وقيتىن قر قك وفيتسەرلەرىنە شەت مەملەكەتتەردىڭ قورعانىس ۆەدومستۆولارىنان شاكىرتاقى تولەۋ بويىنشا كەلىسىم-شارتتىق مىندەتتەمەلەر قوسىمشا پىسىقتالىپ ەنگىزىلدى.

قارۋلى كۇشتەردە وقۋ پوليگوندارىن وق-دارىلەردەن جانە ولاردىڭ فراگمەنتتەرىنەن جاپپاي تازالاۋ جۇمىستارى جالعاسۋدا. اتاپ ايتقاندا، 32 پوليگوننىڭ 24-ءى تازالاندى، تازالانعان اۋماقتار 75 پايىزدى قۇرادى. سونىمەن قاتار، قاۋىپسىزدىك شارالارىن كۇشەيتۋ ءۇشىن پوليگونداردىڭ پەريمەترلەرى ترانشەيالارمەن جابدىقتالادى.

ارىس قالاسى ماڭىنداعى اۋماقتى تازارتۋدى توتەنشە جاعداي سالدارىن جويۋ بويىنشا بىرىكتىرىلگەن قۇراما ودان ءارى جالعاستىرادى. اسكەري باسشىلىق جۇمىستاردى جۇرگىزۋ كەزىندە قاۋىپسىزدىك شارالارىن قاتاڭ ساقتاۋعا ەرەكشە نازار اۋداردى.

سونىمەن قاتار اسكەري قىزمەتشىلەردىڭ ماسكەۋدەگى اسكەري شەرۋگە قاتىسۋعا دايىندىعى باستالدى. سالتاناتتى شاراعا قاتىسۋعا قازاقستان دەسانتتىق-شابۋىلداۋشى اسكەرلەرى اسكەري بولىمدەرىنىڭ اسكەري قىزمەتشىلەرى ەنگىزىلدى. ولاردىڭ دەنساۋلىعىنىڭ قاۋىپسىزدىگى ءۇشىن بىرقاتار شەكتەۋلەر ەنگىزىلدى. اتاپ ايتقاندا، پارادقا قاتىسۋشىلار قالعان جەكە قۇرامنان وقشاۋلانعان، ولارعا بوگدە ادامدار مەن تۋىستارىنىڭ كەلۋى شەكتەلگەن. بۇدان باسقا، كۇنىنە ەكى رەتتەن كەم ەمەس وڭدەۋ، ىلعالدى تازالاۋ جانە جەلدەتۋ ارقىلى دەزينفەكتسيالىق-سانيتارلىق رەجيمدى كۇشەيتىپ، تاۋلىگىنە ەكى رەت مەديتسينالىق تەكسەرۋدى ۇيىمداستىرۋ تاپسىرىلدى.

قارۋلى كۇشتەردى الداعى ۋاقىتتا تاعى دا ءبىر حالىقارالىق وقيعا، ياعني 2020 جىلعى ارميا حالىقارالىق ويىندارى كۇتىپ تۇر. بايقاۋعا دايىندىق جەرگىلىكتى جەرلەردە جۇرگىزىلۋدە. اقتىق كوماندالاردىڭ قۇرامىنا كىرەتىن ۇزدىك ۇمىتكەرلەر ىرىكتەلەدى. بارلىق ءىس-شارالار سانيتارلىق-ەپيدەمياعا قارسى شارالاردى ساقتاي وتىرىپ ۇيىمداستىرىلعان.

كەڭەس بارىسىندا جەكە قۇراممەن جۇرگىزىلەتىن اقپاراتتىق-ءتۇسىندىرۋ جۇمىستارىنىڭ قورىتىندىسى شىعارىلدى. قورعانىس ءمينيسترى اسكەري ۆەدومستۆونىڭ CALL-ورتالىعىنىڭ باستى مىندەتى ءتۇرلى داۋلى ماسەلەلەردى، سونىڭ ىشىندە تۇرعىن ءۇي جانە زەينەتاقىمەن قامتاماسىز ەتۋدى تۇسىندىرۋدەن تۇرعانىن اتاپ ءوتتى. كەڭەس بەرۋدىڭ ناتيجەسىندە اسكەري بولىمدەر مەن مەكەمەلەرگە تالاپ قويۋ سانى ەكى ەسەگە قىسقاردى.

جەكە قۇرامنىڭ دەنساۋلىق جاعدايىن ساقتاۋعا دا ەرەكشە كوڭىل بولىنەدى. وسىلايشا، كۇردەلى جوندەۋ جۇرگىزۋگە بايلانىستى كوپ جىلعى ۇزىلىستەن كەيىن اعىمداعى جىلدىڭ 1 شىلدەسىنەن باستاپ ششۋچينسك قالاسىندا اسكەري سپورتتىق بازادا اسكەري قىزمەتشىلەردى ساناتوري-كۋرورتتىق ەمدەۋ جانە وڭالتۋ ۇيىمداستىرىلادى.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار