ايماقتار • 02 ماۋسىم، 2020

سقو-دا العاشقى ءۇش ادام ارمەنيادان اكەلىنگەن كولىگىن تىركەدى

8 رەت كورسەتىلدى

ارمەنيادان اكەلىنگەن كولىكتەرىن تىركەتە الماي قينالعان جۇرگىزۋشىلەر 1 ماۋسىمنان باستاپ تۇرعىلىقتى جەرىندە ونى تىركەتۋگە رۇقسات بولعانىنا قۋانىپ جاتىر.

كەشە عانا پەتروپاۆلداعى ارناۋلى حقكو-عا ءۇش ازامات قايرىلىپ، كولىكتەرىن تىركەتىپ الدى. سونىڭ ىشىندە بىلتىر 2011 جىلى شىققان Hyundai Elantra اۆتوكولىگىن ارمەنيادان اكەلگەن دۋلات ابىشەۆ ەكەن. «مەن كولىگىمدى تىركەتۋگە رۇقسات بەرىلگەنىنە قاتتى قۋاندىم. بار بولعانى 12 مىڭ تەڭگەگە تەمىر تۇلپارىمدى تىركەتىپ الىپ، ەندى ەلىمىزدىڭ بارلىق تۇكپىرلەرىنە ەركىن بارا الاتىن بولدىم»، دەيدى ول قۋانىپ.

تاعى ءبىر پەتروپاۆلدىق يۆان كوزاك تا وسىنى ايتىپ جاتىر. «بۇل حالىق تىلەگىنە قۇلاق اساتىن مەملەكەتتىڭ ارەكەتى دەپ بىلەمىن. ناعىز دۇرىس شەشىم وسى بولدى عوي»، دەيدى ول دا قۋانىشىن جاسىرا الماي.

قازىر پەتروپاۆلدىڭ جەرگىلىكتى پوليتسياسى تىركەۋدەن وتكىزۋدىڭ ءتارتىبى تۋرالى بارلىق وسىنداي اۆتوكولىك يەلەرىن حابارلاندىرىپ جاتىر. «تىركەلەتىن اۆتوموبيلدەر ارمەنيادان 2020 جىلدىڭ 1-ءشى اقپانىنا دەيىن ەنگىزىلگەندەر جانە تەك قانا ءرولى سول جاقتا بولاتىندار. باسقا ماشينالار بويىنشا ازىرگە رۇقسات جوق. تىركەلۋ ءۇشىن اۆتوكولىك يەلەرى 11946 تەڭگە تولەيدى. بۇل سوماعا تەحپاسپورت پەن مەملەكەتتىك نومەردىڭ پوشلينانى ەنگەن»، دەيدى سقو پد اكىمشىلىك پوليتسيا باسقارماسىنىڭ باستىعى، پوليتسيا پودپولكوۆنيگى جاسۇلان وسپانوۆ.

 

پەتروپاۆل

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار