قازاقستان • 02 ماۋسىم، 2020

«5-10-20» باعدارلاماسىنا 210 ملرد تەڭگە بولىنەدى

275 رەت كورسەتىلدى

پاتەر كەزەگىندە تۇرعان ازاماتتارعا باستاپقى تۇرعىن ءۇيدى ساتىپ الۋعا «5-10-20» شارتتارى نەگىزىندە تۇرعىن ءۇي قۇرىلىس جيناق بانكى» ارقىلى 210 ملرد تەڭگە باعىتتالدى. الەۋمەتتىك تۇرعىدا قورعالماعان 11 مىڭ وتباسى جانە ءىرى مەگاپوليستەردە جۇمىس ىستەيتىن 3 مىڭ جاس جالعا بەرىلەتىن الەۋمەتتىك باسپانامەن قامتىلدى. بۇل تۋرالى سالالىق مينيسترلىكتىڭ ەسەپتىك كەزدەسۋىندە يندۋستريا جانە ينفراقۇرىلىمدى دامىتۋ ءمينيسترى بەيبىت اتامكۇلوۆ ايتتى.

ۆەدومستۆو باسشىسىنىڭ ايتۋىنشا، سوڭعى 3 جىلدا «نۇرلى جەر» باعدارلاماسىمەن 36،8 ملن شارشى مەتر تۇرعىن ءۇي نەمەسە 330 مىڭنان استام باسپانا سالىندى. ءبىر ادامعا تۇرعىن ءۇيدى پايدالانۋعا بەرۋ كورسەتكىشى 0،71 شارشى مەترگە جەتتى. بۇل تمد ەلدەرى (رەسەي - 0،54 شارشى مەتر، بەلارۋس - 0،43 شارشى مەتر، وزبەكستان - 0،42 شارشى مەتر) اراسىنداعى ەڭ جوعارى كورسەتكىش جانە دامىعان مەملەكەتتەردىڭ دەڭگەيىنە جاقىن دەگەن پىكىر ءبىلدىردى.

مينيستر بىلتىر 13،1 ملن شارشى مەتر جاڭا تۇرعىن ءۇي سالىنعانىن، سونداي-اق 116 مىڭ وتباسىنىڭ پاتەر ماسەلەسى شەشىلگەنىن جەتكىزدى. شامامەن 10 مىڭعا تاقاۋ وتباسى جەڭىل نەسيە ارقىلى باسپاناعا يە بولدى. «باقىتتى وتباسى» باعدارلاماسى اياسىندا 5 مىڭ شاڭىراق پاتەر الدى. بيىل 15 ملن شارشى مەتر تۇرعىن ءۇي سالۋ (150 مىڭ تۇرعىن ءۇي) جانە 40 مىڭعا تارتا وتباسىنى مەملەكەتتىك قولداۋمەن قامتۋ كوزدەلگەن. جىل باسىنان بەرى  كولەمى 3،1 ملن شارشى مەتر تۇرعىن ءۇي نىساندارى پايدالانۋعا بەرىلدى، بۇل شامامەن 25 مىڭ پاتەر.

«بيىل مەملەكەت باسشىسىنىڭ تاپسىرماسىنا سايكەس، پاتەر كەزەگىندە تۇرعانداردىڭ ماسەلەسىن شەشۋ ءۇشىن «شاڭىراق» قاناتقاقتى جوباسىن ىسكە قوسامىز. وسى ماقساتتا 390 ملرد تەڭگە قاراستىرىلماق. ونىڭ 180 ملرد تەڭگەسى الەۋمەتتىك تۇرعىن ءۇي قۇرىلىسى ساياساتى نەگىزىندە وڭىرلەردە 15 مىڭ پاتەر سالۋعا جۇمسالادى. پاتەر كەزەگىندە تۇرعان ازاماتتارعا «5-10-20» شارتتارىمەن باستاپقى تۇرعىن ءۇي ساتىپ الۋعا نەسيە بەرۋ ءۇشىن تۇرعىن ءۇي قۇرىلىس جيناق بانكى ارقىلى 210 ملرد تەڭگە باعىتتالادى»، - دەدى ب.اتامقۇلوۆ.

سپيكەردىڭ سوزىنە سۇيەنسەك، بۇگىندە تۇرعىن ءۇي جانە وندىرىستىك عيماراتتار، الەۋمەتتىك نىساندار مەن ينفراقۇرىلىم قۇرىلىسىنا قاجەتتى ماتەريالدارعا سۇرانىس 934 ملرد تەڭگەنى قۇرايدى. وتاندىق كاسىپورىندارمەن 586 ملرد تەڭگەگە قۇرىلىس ونىمدەرى شىعارىلىپ، يمپورت كولەمى 348 ملرد تەڭگەگە جەتتى. يمپورت الماستىرۋ ءۇشىن 33 جاڭا جوبا قۇرىلادى، ونىڭ ىشىندە 27 جوبا بيىل ىسكە قوسىلماق. ناتيجەسىندە شەتەلدىك ونىمگە تاۋەلدىلىكتى 25%-عا تومەندەتىپ، تۇرعىن ءۇي قۇرىلىسىنداعى جەرگىلىكتى مازمۇندى 90%-عا دەيىن ارتتىرۋ جوسپارلانعان.

بۇدان باسقا، مينيستر پرەزيدەنتتىڭ تۇرعىن ءۇي ساياساتىن جۇزەگە اسىرۋ اياسىندا اكىمدىكتەردەگى كەزەك جۇيەسىن رەفورمالاۋ جانە «تۇرعىن ۇيگە مۇقتاج» ۇعىمىنىڭ ناقتى تالاپتارىن ازىرلەۋ جۇمىستارى قولعا الىناتىنىن ايتتى. سونىمەن قاتار «تۇرعىن ءۇي قۇرىلىس جيناق بانكىنىڭ» رەبرەندينگىن ىسكە اسىرۋ ماقساتىندا «وتباسى» بانكىن قۇرۋ كوزدەلىپ وتىر.

سوڭعى جاڭالىقتار

ىشكى تۋريزمگە يەك ارتاتىن كەز

تۋريزم • بۇگىن، 07:10

ۇزدىك اتاندى

وقيعا • بۇگىن، 07:08

سىر قامىسىنا سىرتتان سۇرانىس بار

ەكونوميكا • بۇگىن، 07:00

بايىتۋ فابريكاسى بوي كوتەرەدى

تەحنولوگيا • بۇگىن، 06:58

سىرتقى ساۋدا قاشان ارتادى؟

ەكونوميكا • بۇگىن، 06:56

«بىلەۋلى» ءھام «اناعا تاعزىم»

رۋحانيات • بۇگىن، 06:54

كارانتين فينتەحتى دامىتادى

تەحنولوگيا • بۇگىن، 06:50

الىس اۋىلدارعا ينتەرنەت جەتتى

تەحنولوگيا • بۇگىن، 06:45

الاش ازا تۇتقان كۇن

ساياسات • بۇگىن، 06:35

NASA مارسكا قامداندى

تەحنولوگيا • كەشە

ۇقساس جاڭالىقتار