كوروناۆيرۋس • 02 ماۋسىم، 2020

ەلىمىزدە ىندەتتەن جازىلعاندار سانى كوبەيىپ كەلەدى – ايجان ەسماعامبەتوۆا

29 رەت كورسەتىلدى

مەملەكەتتىك باس سانيتارلىق دارىگەر ايجان ەسماعامبەتوۆا دەنساۋلىق ساقتاۋ مينيسترلىگىنىڭ مەديا ورتالىعىندا وتكەن تىكەلەي ەفيردە ىندەتتەن جازىلعانداردىڭ سانى كۇن ساناپ ارتىپ كەلە جاتقانىن ايتتى.

«وتكەن تاۋلىكتەگى جاعداي بويىنشا ەلىمىزدە 11571 ادام كوروناۆيرۋس جۇقتىردى.  وكىنىشكە قاراي، 41 ادام كوز جۇمدى. كۇن سايىن ىندەتتەن جازىلعاندار سانى كوبەيىپ كەلەدى. بۇگىندە ولاردىڭ سانى 5757-گە جەتتى. ال قالعان ناۋقاستار ەم قابىلداپ جاتىر»، - دەدى ايجان ەسماعامبەتوۆا.

بۇدان سوڭ، ول الەۋمەتتىك بايلانىستاردىڭ كوبەيۋى ينفەكتسيانىڭ تارالۋىنىڭ وسۋىنە اكەلەتىنىن ايتىپ ءوتتى.

ء«بىز جۇمىسىمىزعا قايتا ورالدىق. ءتۇرلى ادامدارمەن بايلانىستا بولامىز. كوشەدە ءجۇرىپ-تۇرامىز. مۇنداي الەۋمەتتىك بايلانىستاردىڭ كوبەيۋى ينفەكتسيانىڭ تارالۋىنىڭ وسۋىنە اكەلەتىنىن ۇمىتپاۋىمىز كەرەك. ينفەكتسيا تارالۋىنىڭ باقىلاناتىن دەڭگەيىن ساقتاۋ كوبىنە تۇرعىنداردىڭ وزدەرىنە بايلانىستى»، - دەدى ول.

سوڭعى جاڭالىقتار

NASA مارسكا قامداندى

تەحنولوگيا • كەشە

ۇقساس جاڭالىقتار