ۇكىمەت • 02 ماۋسىم، 2020

حالىقتى جۇمىسپەن قامتۋ ءبىرىنشى كەزەكتەگى ماسەلە - ا. مامين

40 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا «ەڭبەك» مەملەكەتتىك باعدارلاماسىن ىسكە اسىرۋ بارىسى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ، قوستاناي وبلىسىنىڭ اكىمى ارحيمەد مۇحامبەتوۆ، قىزىلوردا وبلىسىنىڭ اكىمى گۇلشارا ابدىقالىقوۆا، ماڭعىستاۋ وبلىسىنىڭ اكىمى سەرىكباي ترۇموۆ، شىمكەنت قالاسىنىڭ اكىمى مۇرات ايتەنوۆ بايانداما جاسادى.

بارلىق مەملەكەتتىك باعدارلامالاردى ىسكە اسىرۋ اياسىندا بيىل جۇمىسپەن قامتۋ شارالارىمەن 1 ملن 220 مىڭ ادامدى قامتۋ جوسپارلانعان، ولاردىڭ ىشىندە 600 مىڭ ادامدى – «ەڭبەك» مەملەكەتتىك باعدارلاماسى بويىنشا، 255 مىڭ ادامدى – «جۇمىسپەن قامتۋدىڭ جول كارتاسى – 2020» باعدارلاماسى بويىنشا، 364 مىڭ ادامدى – «نۇرلى جول»، «تسيفرلىق قازاقستان»، «نۇرلى جەر»، بجك – 2020 جانە ت. ب. مەملەكەتتىك باعدارلامالار بويىنشا جۇمىسقا ورنالاستىرۋ كوزدەلگەن.

«ەڭبەك» مەملەكەتتىك باعدارلاماسى ستارتاپ جوبالاردى شاعىن نەسيەلەۋ، بيزنەستى كەڭەيتۋ، قوسىمشا ماماندىقتارعا وقىتۋ، الەۋمەتتىك جۇمىس ورىندارىنا جۇمىسقا ورنالاستىرۋ، ەڭبەك كۇشى مول ايماقتاردان جۇمىس كۇشى تاپشى وڭىرلەرگە كوشىرۋ جانە ت. ب. شارالاردى قامتيدى. اتالعان ماقساتتارعا 176 ملرد تگ قاراستىرىلعان. جىل باسىنان بەرى باعدارلاماعا قاتىسۋعا 260 مىڭنان استام ادام ءوتىنىش ءبىلدىردى، ولاردىڭ 184 مىڭى – 70%-دان استامى — قازىرگى ۋاقىتتا جۇمىسقا ورنالاستىرىلعان.

پرەمەر-مينيستر جۇمىسپەن قامتۋ، اسىرەسە، قازىرگى ەكونوميكا مەن بيزنەستى قالپىنا كەلتىرۋ جاعدايىندا باستى باسىمدىقتاردىڭ ءبىرى ەكەنىن اتاپ ءوتتى.

ء«بىز كۇردەلى جاعدايدى باستان وتكەردىك. ەكى اي بويى توتەنشە جاعداي مەن كارانتين رەجيمى ساقتالدى. كاسىپورىندار مەن بيزنەس جۇمىس ىستەمەدى. قازىرگى تاڭدا ەكونوميكانى قالپىنا كەلتىرۋ ۇدەرىسى ءجۇرىپ جاتىر. اتالعان جۇمىس اياسىندا داعدارىسقا قارسى شارالار توپتاماسى جانە ەكونوميكانى جانداندىرۋعا، جۇمىس ورىندارىن ساقتاۋعا جانە اشۋعا باعىتتالعان كەشەندى جوسپار قابىلداندى. ءبىز ازاماتتاردى جۇمىسپەن، تۇراقتى تابىسپەن قامتاماسىز ەتۋگە، وسىلايشا ولاردىڭ ءال-اۋقاتىن جاقسارتۋعا ءتيىسپىز. سوندىقتان دا جۇمىسپەن قامتۋ ماسەلەسى ءبىز ءۇشىن اسا ماڭىزدى»، - دەدى ا. مامين.

ۇكىمەت باسشىسى شىعىس قازاقستان، قوستاناي، جامبىل، پاۆلودار وبلىستارىندا جۇمىسپەن قامتۋدى قولداۋ شارالارىن ىسكە اسىرۋ قارقىنى جاقسى ەكەنىن اتاپ ءوتتى. شىمكەنت، اقتوبە، باتىس قازاقستان جانە ماڭعىستاۋ وبلىستارىندا بۇل باعىتتا جۇمىستىڭ باسەڭ جۇرگىزىلىپ جاتقانى ايتىلدى.

«بۇل اكىمدىكتەردىڭ جەتكىلىكسىز جۇمىس ىستەپ جاتقانىنىڭ كورىنىسى، وسى باعىتتار بويىنشا شۇعىل تۇردە شارالار قابىلداۋ قاجەت. جۇمىسپەن قامتۋدى قولداۋدىڭ بارلىق قۇرالدارى بار، ولاردى بەلسەندى قولدانۋ قاجەت. وسى ماسەلە بويىنشا ءبىز تۇراقتى ءارى جۇيەلى باقىلاۋ جۇرگىزەتىن بولامىز. جارتى جىلدىڭ قورىتىندىسى بويىنشا جۇمىسپەن قامتۋ ماسەلەسى مەملەكەت باسشىسىنىڭ توراعالىعىمەن وتەتىن ۇكىمەتتىڭ كەڭەيتىلگەن وتىرىسىندا قارالادى»، - دەدى ا. مامين.

پرەمەر-مينيستر بارلىق مەملەكەتتىك باعدارلامالار بويىنشا جۇمىسپەن قامتۋدى جانداندىرۋدىڭ ناقتى شارالارىن قابىلداۋدى تاپسىردى. 

سوڭعى جاڭالىقتار

ءدۇبىرلى «دالا ديدارى»

ونەر • بۇگىن، 08:34

تۇيە كوتەرگەن تيمۋر

ايماقتار • بۇگىن، 08:32

جىگەر جانىعان جۇزدەسۋ

ساياسات • بۇگىن، 08:26

ۆاكتسينالاۋ – ماڭىزدى مىندەت

ۇكىمەت • بۇگىن، 08:17

قاراعاندىدا كارانتين كۇشەيتىلدى

ايماقتار • بۇگىن، 08:09

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:59

URKER ۇسىنعان ۇزدىكتەر

ونەر • بۇگىن، 07:57

كوروناۆيرۋس باسەڭدەر ەمەس

الەم • بۇگىن، 07:56

كەشىرىم ايى كەلدى

رۋحانيات • بۇگىن، 07:50

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ەكى الپاۋىتتىڭ ايقاسى

بوكس • بۇگىن، 07:25

پاۆلوداردا جاعداي كۇردەلەنە ءتۇستى

كوروناۆيرۋس • بۇگىن، 07:21

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار