وبلىستىق تجد ءباسپاسوز قىزمەتىنىڭ مالىمەتىنشە, عيمارات 1971 جىلى تۇرعىزىلعان. جالپى اۋدانى - 1616,7 شارشى مەتر. سونىمەن قاتار, قاتتى جەل اقسۋ قالالىق اۋرۋحاناسىنىڭ ەكى قاباتتى عيماراتىنىڭ 300 شارشى مەتر اۋماقتاعى شاتىرىن ج ۇلىپ اكەتتى. زارداپ شەككەندەر مەن قۇربان بولعاندار جوق.
- تاعى ءبىر وقيعا اقسۋ قالاسىنىڭ اۋىلدىق ايماعىنا قاراستى جولقۇدىق اۋىلىندا تىركەلدى. قاتتى جەل اۋىلدىق مادەنيەت ءۇيىنىڭ شاتىرىن ج ۇلىپ اكەتتى. مادەنيەت ءۇيىنىڭ عيماراتى 1968 جىلى سالىنعان, جالپى اۋدانى - 500 شارشى مەتر. جەلەزين اۋدانىنىڭ ەڭبەكشى اۋىلىندا سوققان قاتتى جەلدىڭ ەكپىنى اۋىلدىق مەكتەپتىڭ 240 شارشى مەتر شاتىرىن جارتىلاي ج ۇلىپ اكەتتى. مەكتەپتىڭ ەكى قاباتتى عيماراتى 1982 جىلى سالىنعان, جالپى اۋدانى - 1736 شارشى مەتر, - دەيدى دەپارتامەنتتە.
وبلىس ورتالىعىندا قاتتى جەل قىلمىستىق-اتقارۋ جۇيەسى دەپارتامەنتىنىڭ ۇزىندىعى 25 مەتردى قۇرايتىن مەتالل قورشاۋى مەن كىرپىشتەن جاسالعان قورشاۋ باعانالارىن قۇلاتتى.
ەسكە سالا كەتەيىك, پاۆلودار وبلىسى تج دەپارتامەنتى «دارمەن» قوسىمشاسى ارقىلى ءبىرىنشى ماۋسىم كۇنى قاتتى جەل تۇرىپ, ەكپىنى سەكۋندىنا 18 مەتردەن اساتىنى تۋرالى اقپارات تاراتقان بولاتىن. وبلىس اۋماعىندا قاتتى جەل تۇراتىنى تۋرالى داۋىلدى ەسكەرتۋ ۇيالى بايلانىس وپەراتورلارىنىڭ بارلىق ابونەنتتەرىنە تاراتىلعان.
