اتالعان سپورت الاڭدارىنىڭ جوباسىن «Samruk-Kazyna Trust» الەۋمەتتىك جوبالاردى دامىتۋ قورى جامبىل وبلىسىنىڭ اكىمدىگىمەن بىرلەسىپ جۇزەگە اسىرعان. جاڭا سپورتتىق جانە ويىن كەشەندەرى 30 كورەرمەنگە ارنالعان جاساندى كوگالى بار فۋتبول, «workout» جانە بالالارعا ارنالعان قۇم-توبەشىك, اتكەنشەگى بار ويىن الاڭدارىمەن قامتىلعان. الاڭنىڭ پەريمەترى بويىنشا قوقىس سالاتىن ورىندىقتار مەن ۋرنالار ورناتىلعان. مۇنداي ءبىر كەشەننىڭ اۋماعى 1300 شارشى مەتردى قۇرايدى.
ال, تاراز قالاسىنداعى الاڭنىڭ اشىلۋ سالتاناتىنا جامبىل وبلىسىنىڭ اكىمى بەردىبەك ساپارباەۆ ارنايى قاتىستى. «مەملەكەت باسشىسى ەلىمىزدە بارلىق جاستاعى ازاماتتار اراسىندا بۇقارالىق سپورتتى دامىتۋدى تاپسىردى. ول ءۇشىن حالىققا سپورتتىق ينفراقۇرىلىمنىڭ قولجەتىمدىلىگىن قامتاماسىز ەتۋ قاجەت. بۇگىندە ءبىزدىڭ وبلىستا سپورتپەن بەلسەندى اينالىسۋ ءۇشىن بارلىق جاعداي جاسالعان. اعىمداعى جىلى سپورت نىساندارىنىڭ ينفراقۇرىلىمىن جاڭارتۋ بويىنشا 120 جوبا جۇزەگە اسىرىلۋدا. بالالاردىڭ سپورتقا دەگەن سۇيىسپەنشىلىگىن ارتتىرۋ ارقىلى ءبىز ولاردى جاعىمسىز ادەتتەردەن ساقتاي الامىز. دەنى ساۋ بالالار – ءبىزدىڭ بولاشاعىمىز!», دەدى بەردىبەك ساپارباەۆ.
پايدالانۋعا بەرىلىپ وتىرعان جاڭا نىسانداردى سالۋ ورىندارىن جامبىل وبلىسىنىڭ اكىمدىگى جانە «Samruk-Kazyna Trust» قورى جەرگىلىكتى ازاماتتىق قوعاممەن بىرلەسىپ انىقتاعان. جامبىل وبلىسىنىڭ اكىمدىگى ءتيىستى اۋماقتى ۇسىنسا, «Samruk-Kazyna Trust» قورى الاڭداردىڭ تولىق ورناتىلۋىن قامتاماسىز ەتكەن. ەندى ولاردىڭ كۇتىپ ۇستالۋى مەن قىزمەتىن قامتاماسىز ەتۋ ءۇشىن نىساندار جەرگىلىكتى اتقارۋشى ورگانداردىڭ تەڭگەرىمىنە بەرىلەدى.
«بۇل الاڭدار بالالارعا دا, ەرەسەكتەرگە دە قولجەتىمدى, ولارعا كىرۋ تەگىن. نىساندار سالاۋاتتى ءومىر سالتىن قولداۋ جانە بالالار سپورتىن دامىتۋ, قالالار مەن اۋدانداردىڭ تۇرعىندارىن زاماناۋي سپورتتىق ينفراقۇرىلىممەن قامتاماسىز ەتۋ ماقساتىندا سالىندى», دەدى «Samruk-Kazyna Trust» قورىنىڭ رەسمي وكىلى ميراس يرگەباەۆ.
جەرگىلىكتى اكىمدىك پەن جوبا ۇيىمداستىرۋشىلارى تۇرعىنداردى الاڭدارعا ۇقىپتى قاراۋعا, قۇرىلىمداردى بۇزباۋعا جانە اۋماقتى قوقىسقا تولتىرماۋعا شاقىرادى. اتالعان امبەباپ الاڭداردى ورناتۋ جوباسىن «Samruk-Kazyna Trust» قورى «مەنىڭ ەلىم» الەۋمەتتىك ينۆەستيتسيالار باعدارلاماسى اياسىندا جۇزەگە اسىرۋدا. «مەنىڭ ەلىم» باعدارلاماسىنىڭ جوبالارى الەۋمەتتىك ينفراقۇرىلىمدى دامىتۋعا جانە وڭىرلەردەگى تۇرعىنداردىڭ ءومىر ءسۇرۋ ساپاسىن ارتتىرۋعا باعىتتالعان. جوبا ىسكە قوسىلعان ساتتەن باستاپ بۇكىل ەل بويىنشا 130-دان استام امبەباپ سپورت جانە ويىن الاڭدارى اشىلدى.
جامبىل وبلىسى
