ونىڭ ايتۋىنشا, رەسپۋبليكادا العاش بولىپ اجىراسۋدىڭ الدىن الۋ ماقساتىندا اباي اۋداندىق سوتىنىڭ بازاسىندا «وتباسى كەڭەسى» جۇمىس توبى قۇرىلىپ, ناتيجەسىندە اجىراسۋعا ءوتىنىم بەرگەن ازاماتتاردىڭ 47 پايىزىنىڭ وتباسى ساقتالىپ قالعان.
«كەڭەستىڭ 46 وتىرىسى ۇيىمداستىرىلىپ, اجىراسۋعا نيەت بىلدىرگەن 412 وتباسىنىڭ ماسەلەسى قارالدى. سونىڭ ىشىندە 154 جۇپ مەدياتسيا ادىسىمەن تاتۋلاستىرىلىپ, 47 ازاماتتىڭ نەكە بۇزۋ بويىنشا ۇسىنعان تالاپ-ارىزى كەرى قايتارىلدى. جوبانى اعىمداعى جىلى 4 اۋدانعا دا ەنگىزۋدى كوزدەپ وتىرمىز», - دەدى باسقارما باسشىسى.
باسقارما باسشىسى شىمكەنت قالاسىندا وتكەن جىلى 108 بالا باسپانامەن قامتىلىپ, رەسپۋبليكا بويىنشا العاشقى ۇشتىككە ەنگەنىن اتاپ ءوتتى. ال, بيىل 48 جەتىم بالا باسپانامەن قامتىلعان. 46 تاربيەلەنۋشى تۇلەك جوعارى جانە ورتا ارناۋلى وقۋ ورىندارىندا تەگىن ءبىلىم الىپ جاتقانىن مالىمدەدى.
مەملەكەت باسشىسى قاسىم-جومارت توقاەۆتىڭ باستاماسىمەن 2020 جىل ۆولونتەر جىلى دەپ جاريالانۋىنا وراي, قالادا «شىمكەنت ۆولونتەرلار قاۋىمداستىعى» قۇرىلعان. ولارمەن «جانعا جىلۋ» قايىرىمدىلىق اكتسياسى ۇيىمداستىرىلىپ, 12 245 الەۋمەتتىك جاعدايى تومەن وتباسىلار مەن قاريالارعا تۇرمىسقا قاجەتتى ازىق-ت ۇلىك سەبەتى ۇلەستىرىلىپ, 333 وتباسىعا قاجەتتى ءدارى-دارمەك جەتكىزىلگەن. سونداي-اق پاندەميا كەزىندە پوليتسيا ساقشىلارىنا كومەككە, ماقتاارالداعى سۋ اپاتىندا زارداپ شەكككەندەرگە كومەك كورسەتۋ كەزىنە دە ۆولونتەرلار جۇمىلدىرىلعان. بانكتەردە سانيتاريالىق نورمالاردى ساقتاۋعا كومەكتەسىپ, بانك باسشىلىعى تاراپىنان جوعارى باعاعا يە بولعان.
جيىندى قورىتىندىلاعان مۇرات دۇيسەنبەك ۇلى: «مەملەكەتتىڭ نەگىزگى تىرەگى – وتباسى. ءاربىر ازامات وتباسىنىڭ قۇنىن دا, قۇندىلىعىن دا تەرەڭ سەزىنۋى ءتيىس. ونى ساقتاپ قالۋ مەن جەتىلدىرۋدىڭ مەملەكەت ۇسىنعان مۇمكىندىكتەرىن پايدالانا ءبىلۋى قاجەت. وسى باعىتتاعى جۇمىستاردى كەڭىنەن ناسيحاتتاۋدى تاپسىرامىن», - دەدى.
سونىمەن قاتار قالا اكىمى قاۋىپتى دەرت جايلاعان قىسىلتاياڭ شاقتا ەرىكتى تۇردە قاۋىپكە قاراي قادام باسقان ۆولونتەرلار ەڭبەگىن ەرەكشە باعالادى.
