بۇگىندە شىمكەنت قالاسى بويىنشا 29 جاسقا دەيىنگى 1698 بالالار تۇرعىن ءۇي كەزەگىندە ەسەپتە تۇر. ونىڭ ىشىندە كامەلەتكە تولماعان بالالار سانى – 589-دى قۇرايدى.
بۇعان دەيىن 2016-2018 جىلدارى تۇرعىن ءۇي كەزەگىندەگى 345 بالا, 2019 جىلى 108 بالا باسپانامەن قامتىلىپ, رەسپۋبليكا بويىنشا العاشقى 3 ورىنعا شىققان بولاتىن. ال اعىمداعى جىل باسىنان بەرى 48 جەتىم بالالار باسپانامەن قامتىلعان.
سونىمەن قاتار, بىلتىرعى جىلى مەكتەپ بىتىرگەن 46 تاربيەلەنۋشى جوعارى جانە ورتا ارناۋلى وقۋ ورىندارىنا وقۋعا ءتۇسىپ, تەگىن ءبىلىم الۋدا. ونىڭ ىشىندە 30 – مەملەكەتتىك گرانت, 10 – كوللەدجدىڭ گرانتى, 2 - وقۋ ورنىنىڭ رەكتورىنىڭ گرانتىنا تۇسسە, 4 – باسقارمانىڭ قالاداعى جوعارى وقۋ ورىندارىمەن جۇرگىزىلگەن كەلىسسوزدەردىڭ قورىتىندىسىمەن بەرىلگەن.
بيىل 64 بالا 9-سىنىپتى, 57 بالا 11-سىنىپتى بىتىرمەك. ولاردىڭ ءبىلىم الۋىنا باسقارما تاراپىنان جاعدايلار جاسالىپ, ۇلتتىق بىرىڭعاي تەستىلەۋگە دايىندىق جۇمىستارى جۇرگىزىلۋدە. بۇگىندە بالالار ۇيىندەگى تاربيەلەنۋشىلەردىڭ سانىن ازايتۋ ماقساتىندا جەتىم جانە اتا-اناسىنىڭ قامقورلىعىنسىز قالعان بالالار وتباسىلارعا قورعانشىلىق, قامقورشىلىق, پاتروناتتىق تاربيەگە بەرىلۋدە.
بۇل بالالاردىڭ «ۇيدەگىدەي» وتباسىندا تاربيە الۋىنا, وتباسىلىق ءومىر مەن نارىقتىق جاعدايعا بەيىمدەلە وتىرىپ, ومىرلىك جولىن تابۋعا وڭ سەپتىگىن تيگىزبەك.
