بانكتەر كاسىپكەرلەرگە 1 پايىزبەن نەسيە بەرۋگە دايىن

قارجى • 01 ماۋسىم، 2020

بانكتەر كاسىپكەرلەرگە 1 پايىزبەن نەسيە بەرۋگە دايىن

1159 رەت كورسەتىلدى

«اتامەكەن» ۇكپ تورالقاسىنىڭ توراعاسى تيمۋر ق ۇلىباەۆ الماتى مەن نۇر-سۇلتان قالاسى كاسىپكەرلەرىمەن كەزدەسۋ بارىسىندا بانكتەر بيزنەس وكىلدەرىن قولداۋعا دايىن ەكەنىن ايتتى. ونىڭ سوزىنشە، وڭىرلىك باعدارلاما بويىنشا اكىمدىك شامامەن 50 ملرد تەڭگەنى ۇلەستىك مولشەرلەمەمەن بانكتەرگە بەرە الادى. حالىق بانكى، سبەربانك قاراجاتتى 1 پايىزبەن كاسىپكەرلەرگە بولۋگە دايىن. ناتيجەسىندە، كاسىپكەرگە ارنالعان ءتيىمدى مولشەرلەمە 1،5 پايىزدى قۇرايدى.

دۋمان اناش

«توتەنشە جاعداي كەزىندە ءبىزدىڭ تاراپىمىزدان قابىلدانعان شارالار اسىعىس بولدى. ويتكەنى ەكونوميكا ءۇشىن قاراجات ءبولۋ ماڭىزدى ەدى. ال قازىر ماسەلەنى جان-جاقتى سارالاۋعا مۇمكىندىك بار. وسى رەتتە جەڭىلدەتىلگەن نەسيەلەر باعدارلاماسى بيزنەس ءۇشىن ۇلكەن قولداۋ. بۇل ۇسىنىستى ءبىز الماتى قالاسىنىڭ اكىمى باقىتجان ساعىنتاەۆقا جەتكىزگەن بولاتىنبىز. ارينە باستاپقىدا بانكتەر مۇنداي پايىزبەن جۇمىس ىستەيدى دەگەنگە كۇمان بولدى»، دەدى ول.

كارانتين مەن توتەنشە جاعدايدىڭ سالدارىن باسقالارعا قاراعاندا كوبىرەك سەزىنگەن ەكى قالانىڭ كاسىپكەرلەرى تۋريزم، مەيرامحانا جانە قوناق ءۇي بيزنەسى، تاماقتانۋ، ساۋدا، قۇرىلىس جانە ونەركاسىپ (جەڭىل جانە ءوندىرىس) سالالارىنداعى ەڭ اۋىر ماسەلەلەردى ايتتى. سونداي-اق كاسىپكەرلەر قولدانىستاعى نەسيەلەردى كەيىنگە قالدىرۋ مەرزىمىن ءۇش ايدان التى ايعا دەيىن ۇزارتۋدى جانە اينالىم كاپيتالىن تولىقتىرۋعا جەڭىلدەتىلگەن كەپىلسىز نەسيە الۋعا مۇمكىندىك بەرۋدى ۇسىندى.

«ميكروكرەديتتەردى كەپىلسىز بەرۋ مۇمكىندىگى قاراستىرىلسا دەيمىز. مىسالى، ءوز جالداۋشىلارىمىز ءۇشىن جالعا الۋ شارتى بولعان جاعدايدا كەپىلگەر بولۋ مۇمكىندىگى ماسەلەسىن دە قاراستىردىق. ءبىز ەكى جىل مەرزىمگە 5 ملن تەڭگە كولەمىندەگى سومانى قاراپ كوردىك. ەگەر مۇمكىندىك بولسا، جالعا الۋشىلارعا قولداۋ كورسەتۋدى سۇرايمىز»، دەپ اتاپ ءوتتى «تيگروحاۋد فيرماسى» جشس ديرەكتورى جانار قوراباەۆا.

سونىمەن بىرگە باسقوسۋ بارىسىندا ەلوردالىق قۇرىلىسشىلاردى الاڭداتقان ماسەلەلەر تالقىلاندى. ولار حالىقتىڭ ساتىپ الۋ بەلسەندىلىگىنىڭ تومەندەگەنىن ايتا كەلە، سالىنىپ جاتقان قۇرىلىستاردىڭ توقتاپ قالماۋىنا مۇمكىندىك جاساۋدى سۇرادى. «Global Expert Development Group» جشس ديرەكتورى ابزال ساعىمباەۆتىڭ ايتۋىنشا، قازىرگى تاڭدا قۇرىلىس سالاسى ەلوردادا بەلسەندى جۇمىس ىستەۋدە، سەبەبى جاز ماۋسىمى باستالعان كەزەڭدە قۇرىلىس قارقىن الادى، تيىسىنشە قىزمەتكەرلەر سانى بويىنشا وزگەرىستەر بايقالمايتىنىن اتاپ ءوتتى. سونداي-اق باستالعان نىساندار عانا سالىنىپ جاتىر، جاڭا جوبالار ءالى توقتاپ تۇرعانى ءسوز بولدى.

«نەگىزگى اسەر ەتۋشى فاكتور – دەۆالۆاتسيا جانە دايىن تۇرعىن ءۇيدى ودان ءارى ساتۋ. بۇگىنگى تاڭدا 100 مىڭنان استام ادام ەلوردانىڭ قۇرىلىس سالاسىندا جۇمىس ىستەيدى. ۇلكەن ماسەلە – بۇل حالىقتىڭ تولەم قابىلەتى جانە سايكەسىنشە ساتۋ پروتسەسى. قۇرىلىس يندۋسترياسىن قولداۋ ءۇشىن ءبىز تۇرعىندار اراسىندا ساتۋ مەن وتىمدىلىكتى ارتتىرۋ ماقساتىندا قايتالاما نارىق ءۇشىن يپوتەكا باعدارلامالارىن ازىرلەۋدى ۇسىنامىز. سونداي-اق ءبىز ەقتجس-نىڭ ءتىزىمىن كەڭەيتۋ قاجەت دەپ سانايمىز، بۇل قۇرىلىس سالاسىن جالاقى قورىنان ەسەپتەلگەن سالىقتار مەن باسقا دا مىندەتتى تولەمدەردەن بوساتۋعا قاتىستى»، دەدى ابزال ساعىمباەۆ.

كەزدەسۋ سوڭىندا الماتى جانە نۇر-سۇلتان قالالارىنىڭ كاسىپكەرلەرىن مازالاعان ماسەلەلەر قايتا قارالاتىنى بەلگىلى بولدى. قولدا بار اقپاراتقا سۇيەنە وتىرىپ، «اتامەكەن» ۇكىمەتكە بيزنەستى قولداۋ شارالارىنىڭ تاعى ءبىر پاكەتىن ازىرلەمەك.

ت.ق ۇلىباەۆ ءوز كەزەگىندە جۇمىسپەن قامتۋ ۇلتتىق پالاتا ءۇشىن باسىمدىق بولىپ قالا بەرەتىنىن اتاپ ءوتتى. دەمەك قولداۋ شارالارىنىڭ نەگىزگى ترانشى كارانتيننەن كەيىنگى كەزەڭدە جۇمىس ورىندارىن ساقتاۋعا دايىن كاسىپورىندارعا باعىتتالادى.

«مەملەكەت كاسىپكەرلىكتى قولداۋعا اقشا بولەدى. ءبىزدىڭ مىندەتىمىز – بۇل قاراجاتتى بيزنەسكە تارتۋ. جالپى، نەگىزگى ماقسات جۇمىسپەن قامتۋدى باقىلاۋعا باعىتتالادى دەپ سانايمىن. «اتامەكەننىڭ» ۇستانىمى – كارانتينگە دەيىن جۇمىس ىستەگەن كاسىپورىنداردى قولداۋ دەپ ايتقانبىز»، دەدى ول.

ەستەرىڭىزگە سالا كەتەيىك، بۇعان دەيىن تورالقا باسشىسى ەلىمىزدىڭ 15 ايماعىنداعى كاسىپكەرلەرمەن كەزدەسىپ، وندا ەڭ وزەكتى ماسەلەلەردى تالقىلاعان بولاتىن. «اتامەكەن» اعىمداعى ماسەلەلەردى شەشۋ ءۇشىن بيزنەسپەن ۇنەمى ديالوگ جۇرگىزۋدى جوسپارلاپ وتىر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز