«Qazaqstan» تەلەراديوكورپوراتسياسىنا قاراستى «Balapan» تەلەارناسى ۇزدىك شەتەلدىك مۋلتحيكايالاردىڭ تەلەقۇقىعىمەن قوسا, ينتەرنەت قۇقىقتارىن ساتىپ الۋ باستاماسىن العاش بولىپ جۇزەگە اسىرىپ وتىر. ياعني الداعى ۋاقىتتا ارنادان كورسەتىلەتىن شەتەلدىك انيماتسيالىق جوبالار YouTube جەلىسىندەگى «BalapanTV» ارناسىنا سالىنادى. ايتا كەتۋ كەرەك, بۇعان دەيىن شەتەلدىك جوبالاردىڭ دۋبلياجدالعان نۇسقاسىن الەۋمەتتىك جەلىلەرگە سالۋ قۇقىعى ەلىمىزدەگى ەشبىر ارنادا بولماعان.
ۇلتتىق ارنانىڭ حابارلاۋىنشا, وسى كۇنگە دەيىن بۇلدىرشىندەرىمىز الەمنىڭ وزىق مۋلتفيلمدەرىن YouTube پلاتفورماسىنان باسقا تىلدەردە كورىپ كەلسە, ەندى انا تىلىمىزدە تاماشالاۋ مۇمكىندىگىنە قول جەتكىزىپ وتىر. بۇل – قازاق ءتىلىنىڭ دامۋىنا ىقپال ەتەتىن ءارى ينتەرنەت جەلىسىندەگى قازاق تىلىندەگى ساپالى كونتەنتىنىڭ كوبەيۋىنە سەرپىن بەرەتىن ماڭىزدى باستاما. بۇگىندە تەلەارنانىڭ You tube-تەگى جازىلۋشىلارىنىڭ سانى ءبىر ميلليونعا جۋىقتاعان.
1 ماۋسىم – حالىقارالىق بالالاردى قورعاۋ كۇنىنە وراي, بۇلدىرشىندەرگە تارتۋ رەتىندە YouTube-تاعى «BalapanTV» كانالىنا «قۇراستىرۋشى لەۆا» مۋلتسەريالىنىڭ 66 ءبولىمى سالىندى. الداعى ۋاقىتتا YouTube-ارنا «ۆيسپەر-1», «ۆيسپەر-2», «100% Wolf», «اڭدار دوستىعى», «كاپيتان شاركي», «كۋنگ-فۋ قويان: وت ءامىرشىسى», «قانات قاق», «اياز اتانى قۇتقارۋ», «كەمەدەگى وقيعا» سىندى انيماتسيالىق جوبالارمەن تولىقتىرىلماق.
