تاريح • 30 مامىر، 2020

نۇر-سۇلتاندا حالىقارالىق ونلاين-كونفەرەنتسيا ءوتتى

24 رەت كورسەتىلدى

بۇگىن نۇر-سۇلتاندا ساياسي رەپرەسسيا مەن اشارشىلىق قۇرباندارىن ەسكە الۋ كۇنىنە ارنالعان «قازاقستان: تاريحي تاعىلىم ساياساتى» اتتى حالىقارالىق ونلاين-كونفەرەنتسيا ءوتتى.

كونفەرەنتسيانى اشقان قازاقستان حالقى اسسامبلەياسى توراعاسىنىڭ ورىنباسارى جانسەيىت تۇيمەباەۆ قازاقستاننىڭ تۇڭعىش پرەزيدەنتى ەلباسى نۇرسۇلتان نازارباەۆتىڭ ساياسي قۋعىن-سۇرگىن قۇرباندارىنا تاريحي ادىلەتتىلىكتى قالپىنا كەلتىرۋدەگى كوپ جىلدىق قىزمەتىن اتاپ ءوتتى.  


ء«وز تاريحىن ۇمىتپايتىن، باعالايتىن جانە ماقتان تۇتاتىن حالىقتىڭ بولاشاعى زور. وتكەنگە قۇرمەتپەن، بۇگىنىنە پراگماتيكالىق باعا بەرىپ، ​ بولاشاققا سەنىممەن قاراۋ – ەلمىزدىڭ ​ جاڭا جەتىستىكتەرىنىڭ كىلتى » - ەكەنىن نۇرسۇلتان نازارباەۆ باسا ايتقانداي، قازاقستاننىڭ تاريحي جادىنا قاتىستى ساياسات ەشكىمگە قارسى باعىتتالمايدى، بىراق ءبىزدىڭ قوعامنىڭ ىشكى رۋحاني جۇمىسىنىڭ ءورىسى بولىپ تابىلادى.

ەلباسىنىڭ ەتنوسارالىق قاتىناستار سالاسىنداعى ساياساتىنىڭ نەگىزى دە وسى بولدى »، - دەدى جانسەيىت تۇيمەباەۆ.
​ پرەزيدەنت اكىمشىلىگى باسشىسىنىڭ ءبىرىنشى ورىنباسارى داۋرەن اباەۆ ساياسي قۋعىن-سۇرگىن مەن اشارشىلىقتىڭ قازاقستانعا اسەرى تۋرالى ايتتى.​

«بۇل قولدان جاسالعان تراگەديا قازاق حالقىنىڭ گەنوفونىنا وراسان زيان كەلتىردى، اتا-بابالارىمىزدىڭ عاسىرلىق جولىن كۇشتەپ وزگەرتتى، ءومىر سۇرگەن ۇرپاقتارىنىڭ جۇرەگىندە تەرەڭ ءىز قالدىردى. (...) سول جىلدارداعى تاعى ءبىر قاسىرەت بۇكىل ۇلتتاردىڭ جەر اۋدارىلۋى بولدى. قازاق جەرىندە ولار جاڭا وتانىن تاپتى جانە بۇگىندە ءبىرتۇتاس قازاقستان حالقىنىڭ قۇرامداس بولىگى بولىپ تابىلادى. 

سول جىلدارى جەكە ادامداردىڭ، بيلىك وكىلدەرىنىڭ تەرىس ارەكەتتەرىنىڭ سالدارىنان كەڭەس وداعىنىڭ قانشاما ەتنيكالىق توپتارى زارداپ شەكتى. وتكەن وقيعالاردى جادىمىزدا ساقتاي وتىرىپ، ءبىز بولاشاقتىڭ جاڭا پروگرەسسيۆتى تاريحىن جاساي الامىز، ونىڭ قۇندىلىعى ءار ادامنىڭ ءومىرى »، - دەدى داۋرەن اباەۆ.
​ ​
ەل تاۋەلسىزدىگىنىڭ العاشقى كۇندەرىنەن باستاپ نۇرسۇلتان نازارباەۆ سول جىلدارداعى تاريحي وقيعالاردى ەستە ساقتاۋعا ەرەكشە كوڭىل ءبولىپ وتىرعانىن جانە مەملەكەت باسشىسى قاسىم-جومارت توقاەۆ بۇل باعىتتى جالعاستىرىپ كەلە جاتقانىن ايتتى ول.
​ ​
ينتەرنەت-كونفەرەنتسياعا رەسەي حالىقتارى اسسامبلەياسى كەڭەسىنىڭ توراعاسى، ەۋرازيا حالىقتارى اسسامبلەياسىنىڭ باس حاتشىلىعىنىڭ مەڭگەرۋشىسى س.سميرنوۆا، بەلارۋس رەسپۋبليكاسى ۇلتتىق جينالىسى وكىلدەر پالاتاسىنىڭ دەپۋتاتى پ.جدانوۆيچ، رەسەي گۋمانيتارلىق عىلىمدار ۋنيۆەرسيتەتىنىڭ پرەزيدەنتى، رەسەي عىلىم اكادەمياسىنىڭ كوررەسپوندەنت-مۇشەسى جانە تاريح عىلىمدارىنىڭ دوكتورى ە. پيۆوۆار، ستسەناريست، رەجيسسەر، «الجير» وتان ساتقىندارى ايەلدەرىنىڭ اقمولا لاگەرىندەگى تۇتقىننىڭ نەمەرەسى ل. فرەنكەل د. ۆيولينا، قازاقستان رەسپۋبليكاسى پرەزيدەنتىنىڭ مۇراعاتىنىڭ ديرەكتورى د.ابدىكادىروۆ، قازاقستان رەسپۋبليكاسى پارلامەنتىنىڭ دەپۋتاتتارى، قازاقستاندىق جانە شەتەلدىك عالىمدار مەن ساراپشىلار، قۋعىن-سۇرگىننىڭ ۇرپاقتارى، قحا مۇشەلەرى، عىلىمي جانە شىعارماشىلىق زيالى قاۋىم وكىلدەرى، اسسامبلەيانىڭ عىلىمي-ساراپتامالىق قاۋىمداستىعى، مەملەكەتتىك ورگاندار مەن ەتنومادەني بىرلەستىك وكىلدەرى قاتىستى.

سوڭعى جاڭالىقتار

ۇقساس جاڭالىقتار