بۇگىندە كوروناۆيرۋستىق جاعداي ستاتيستيكاسى وڭ ناتيجە كورسەتۋدە: ەمدەلىپ شىققاندار سانى كۇن ساناپ وسۋدە. قازىرگى ۋاقىتتا نۇر-سۇلتاندا كۇن سايىن كوروناۆيرۋس ينفەكتسياسىنىڭ الدىن الۋعا جانە تاراۋىنا جول بەرمەۋگە باعىتتالعان جوسپارلى ءىس-شارالار وتكىزىلۋدە.
قاۋىپتى ينفەكتسيامەن كۇرەسكە قالا بويىنشا 1 077 دارىگەر تارتىلعان. الايدا ماماندار بوساڭسۋعا ەرتە ەكەنىن ەسكەرتەدى. ولاردىڭ ايتۋىنشا, حالىقتىڭ وسى اۋرۋعا دەگەن نەمقۇرايلى قاتىناسى ىندەتتىڭ قايتا ورشۋىنە الىپ كەلۋى مۇمكىن. ونى تەك دارىگەرلەر ۇسىنعان نۇسقامالاردى قاتاڭ ساقتاعاندا عانا بولدىرماۋعا بولادى. نەگىزگى ەرەجەلەر, بۇرىنعىداي, قوعامدىق كولىكتە, ادامدار كوپ جينالاتىن جەرلەردە, ساياباقتاردا, ساۋدا ۇيلەرىندە ماسكا تاعۋ جانە انتيسەپتيك پايدالانۋ. د
ارىگەرلەر كەزەكتە, دۇكەندە نەمەسە ساياباقتا سەرۋەندەگەندە, ءۇي-جايلاردا ماسكا تاعۋ رەجيمىن ساقتاۋ, توپتانىپ جينالماۋ, وزدەرىن جانە اينالاسىنداعىلاردى قورعاۋ وتە ماڭىزدى ەكەنىن اتاپ ءوتتى. قالىپتى ءومىر ىرعاعىنا تەزىرەك ورالۋ ءاربىر قازاقستاندىقتىڭ جاۋاپكەرشىلىگىنە تىكەلەي بايلانىستى.
ءتارتىپ ساقشىلارى ەرىكتىلەرمەن بىرگە قالا بويىنشا كۇندەلىكتى رەيد جۇرگىزەدى. ءموبيلدى توپتار قالالىق ساياباقتاردى, سكۆەرلەردى, ساۋدا ۇيلەرىن, اۆتوبۋستاردى پاترۋلدەيدى جانە تۇرعىندارعا كارانتين رەجيمىن ساقتاۋ, ماسكا كيۋ قاجەتىن تۇسىندىرەدى.
