كارانتيندىك شەكتەۋلەردىڭ سالدارىنان تۋىنداعان كەدەرگىلەرگە قاراماستان, بۇگىندە اۋداندا بۇل جۇمىستار جەدەل تۇردە باستالىپ تا كەتتى. مىسالى, قازىر اۋدان ورتالىعى اقسۋ-ايۋلى كەنتىندەگى ەكى قاباتتى كوپپاتەرلى تۇرعىن ءۇيدىڭ شاتىرىن جاڭالاۋ جانە سىرتىن قاپتاۋ جۇمىستارى قىزۋ جۇرگىزىلۋدە. اتالعان نىسانعا اۋداندىق جۇمىسپەن قامتۋ ورتالىعى ارقىلى جەرگىلىكتى تۇرعىندار دا جۇمىسقا تارتىلعان.
سونداي-اق اۋدانداعى ءىرى ەلدى مەكەن – اقادىر كەنتىندە بىرنەشە كوشە بويىمەن جاياۋ جۇرگىنشىلەر جولى سالىنا باستادى. س.سەيفۋللين كەنتىندەگى باستى كوشەلەردىڭ جولىنا اسفالت توسەۋ جۇمىستارى دا قارقىندى جۇرگىزىلىپ جاتىر.
تاياۋدا شەت اۋدانىنىڭ حالىقتى جۇمىسپەن قامتۋ ورتالىعى ء«موبيلدى جىلجىمالى جۇمىسقا ورنالاستىرۋ رەكۋرتتى پۋنكتى» توبىن ۇيىمداستىرعان بولاتىن. بۇگىندە اتالعان جوبا قىزمەتكەرلەرى اۋدان بويىنشا ەلدى مەكەندەردى ارالاپ, تۇرعىندارعا «جۇمىسپەن قامتۋ 2020 جول كارتاسى» باعدارلاماسى اياسىندا بەرىلەتىن مۇمكىندىكتەر جايلى انىقتامالار بەرۋ ىسىمەن اينالىسا باستادى. جۇرگىزىلگەن جۇمىستار ناتيجەسىندە, اتالعان باعدارلاما بويىنشا اۋداننىڭ جۇمىسسىز جۇرگەن 20 تۇرعىنى تىركەۋگە الىندى. ولاردىڭ ىشىندە اقادىر كەنتىنىڭ جەتى, ورتاۋ اۋىلىنىڭ جەتى جانە كوكتىڭكولى ەلدى مەكەنىنىڭ جەتى تۇرعىنى جۇمىسقا ورنالاستىرىلدى. ءموبيلدى توپ جاقىن ارالىقتا اۋدانعا قاراستى بارلىق ەلدى مەكەندەرگە ىسساپارمەن شىعۋدى جوسپارلاپ وتىر.
سونىمەن قاتار, شەت اۋدانىندا «اۋىل – ەل بەسىگى» ارنايى جوباسى اياسىندا 2020 جىلعا ارنالىپ سەگىز جوباعا جالپى سوماسى 686 ملن 331 مىڭ تەڭگەنى قۇرايتىن قارجى ءبولىندى. بۇدان بولەك, الەۋمەتتىك سالا بويىنشا ءتورت جوباعا 279,5 ملن تەڭگە قارجى قاراستىرىلعان.
وسى جوبا بويىنشا اقسۋ-ايۋلى اۋىلىنداعى كوپ جىلداردان بەرى كۇتىم بولماعان ورتالىق اۋرۋحانانى كۇردەلى جوندەۋدەن وتكىزۋگە جالپى سومماسى 525,0 ملن تەڭگە قارجى ءبولىنىپ, ونىڭ تەندەرىن مەملەكەتتىك ساتىپ الۋ كونكۋرسى بويىنشا 473,0 ملن تەڭگەگە «اسپاپ» وندىرىستىك كووپەراتيۆى جەڭىپ الدى. ۇنەمدەلگەن قارجىنىڭ ءوزى 52,0 ملن تەڭگەنى قۇرادى. بۇگىندە جوعارىداعى قارجىنىڭ بيىلعا دەپ جوسپارلانعان 200,0 ملن تەڭگەسى قولعا ءتيىپ, ءساۋىر ايىنان باستاپ كەستەگە سايكەس جۇمىستار جۇرگىزىلۋدە. ايتا كەتەتىن ءبىر جايت, قۇرىلىس جۇمىستارىنا جەرگىلىكتى جەردىڭ ازاماتتارى دا مولىنان تارتىلعان.
– شەت اۋداندىق ورتالىق اۋرۋحاناسىنا كۇردەلى جوندەۋ جۇمىستارىن جۇرگىزۋدى بيىلعى ءساۋىر ايىنان باستادىق. جۇمىسقا 94 ادام مەن 5 تەحنيكا كۇشى جۇمىلدىرىلدى. ولاردىڭ اراسىندا جەرگىلىكتى تۇرعىندار دا بار. بۇگىنگى كۇنى جۇمىس قارقىندى جۇرگىزىلۋدە, – دەيدى «اسپاپ» فيرماسىنىڭ ۋچاسكە باستىعى تولەۋحان اكەەۆ.
جالپى, اتالعان فيرمانىڭ جۇمىستى ۋاقىتىندا جانە ساپالى ەتىپ بىتىرەرىنە دەگەن سەنىم مول. سەبەبى, «اسپاپ» وك ەلىمىزدەگى قۇپىلىس نارىعىندا 30 جىلدان بەرى جۇمىس ىستەپ كەلە جاتقان بەدەلدى جانە سەنىمدى كومپانيالاردىڭ ءبىرى.
سونداي-اق اۋدان ورتالىعىنداعى ى.التىنسارين, ج.اقىلباەۆ اتىنداعى مەكتەپتەردىڭ جانە اقسۋ-ايۋلى اۋىلىنداعى بالالار مەن جاسوسپىرىمدەر مەكتەپ عيماراتتارىنىڭ قاسبەتتەرىن كۇردەلى جوندەۋدەن وتكىزىلەدى. بۇل جۇمىستارعا قاجەتتى قارجى جەتكىلىكتى مولشەردە بولىنگەن.
اۋداننان جىراقتا جاتقان اۋىلداردىڭ قات-قابات ماسەلەلەرى دە نازاردان تىس قالماعان. مىسالى, بيىل بوساعا, كيىكتى اۋىلدارىندا سۋ جەلىلەرى اعىمداعى جوندەۋدەن وتكىزىلەدى. سونداي-اق, قازاقتىڭ كلاسسيك كومپوزيتورى سىدىق مۇحامەدجانوۆتىڭ تۋعان اۋىلى كيىكتىدە ورتا مەكتەپتىڭ قۇرىلىسى باستالماقشى. اۋدانداعى باتىق, كوكتىڭكولى, بۇرما اۋىلدارىنداعى ۇيلەردىڭ شاتىرى, اقجال ەلدى مەكەنىندەگى بالالاردىڭ ويىن الاڭى جوندەۋدەن وتكىزىلەدى. ال ورتاۋ, اقشاتاۋ, ءداريا, تومەنگى قايراقتى ەلدى مەكەندەرىندەگى جولداردى قالىپقا كەلتىرۋ جوسپاردا بار.
شەت اۋدانىنىڭ اكىمى مۇحيت مۇحتاروۆ بۇل جۇمىستارمەن قاتار ەلدى مەكەندەردەگى سانيتارلىق تازالىق پەن اباتتاندىرۋ جانە جارىقتاندىرۋ جۇمىستارىنا دا باسا نازار اۋدارىلاتىنىن ايتادى. «بيىلعى جىلى «ەڭبەك» ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ» باعدارلاماسىنىڭ «جول كارتاسى-2020» باعىتى اياسىندا اۋدانداعى بارلىق اۋىلدىق ەلدى مەكەندەردە تۇرعىندار يگىلىگىنە باعىتتالعان بىرقاتار اۋقىمدى جۇمىستار جۇرگىزىلەدى. جالپى, وسى باعىتتاعى اتقارىلاتىن شارۋالاردىڭ ساپالى ورىندالۋىن ءجىتى نازاردا ۇستايتىن بولامىز», دەپ سەندىردى اۋدان اكىمى.
