ءار اپتانىڭ سەيسەنبى جانە بەيسەنبى كۇندەرى كاسىپكەرلەر پالاتاسىنىڭ ساراپشىلارى مەن بيزنەس - ومبۋدسمەننىڭ وڭىرلىك وكىلدەرى كەزەكشىلىك ەتىپ, كونسۋلتاتيۆتىك كومەك كورسەتەتىن بولادى. مۇنداي فورمات داۋلاردى رەتتەۋدىڭ سوتقا دەيىنگى ءتارتىبىن ساقتاۋعا جانە كاسىپكەرلەردىڭ قۇقىقتارىن قورعاۋعا ىقپال ەتەتىن بولادى.
وسىلايشا, زاڭدى تۇلعالار, اتاپ ايتقاندا بيزنەس سۋبەكتىلەرى مەن مەملەكەتتىك ورگاندار كەز كەلگەن داۋلى ماسەلەلەر بويىنشا قابىلداۋ جۇرگىزەتىن ساراپشىلاردىڭ كومەگىنە جۇگىنە الادى جانە سوتتان تىس داۋلى جاعدايلاردى شەشە الادى.
-كابينەت ءاربىر كاسىپكەر مەن زاڭدى تۇلعا وكىلىنە ءدال وسى جەردە ءتۇسىندىرۋ جۇمىستارىن جۇرگىزۋگە , سونىمەن قاتار, بيزنەس سالاسىنداعى داۋدى رەتتەۋگە مۇمكىندىك بەرەدى, دەدى سوت توراعاسى ايداربەك تلەنوۆ.
-قازاقستان كاسىپكەرلەرىنىڭ قۇقىقتارىن قورعاۋ جونىندەگى ۋاكىل رۋستام ءجۇرسىنوۆ قازاقستان رەسپۋبليكاسىنىڭ جوعارعى سوتىمەن بىرلەسىپ, سوتقا دەيىنگى رەتتەۋ بويىنشا بىرلەسكەن جۇمىس اياسىندا وسىنداي كابينەتتەردى اشۋعا باستاماشىلىق جاسادى, ويتكەنى بيزنەس سۋبەكتىلەرى اراسىنداعى داۋلار بويىنشا تالاپ ارىزداردىڭ وسەتىنىڭ تۇسىنەمىز. كابينەتتىڭ نەگىزگى قىزمەتى كاسىپكەرلىك سۋبەكتىلەرىنە جانە مەملەكەتتىك ورگاندارىنىڭ وكىلدەرىنە قۇقىقتىق كومەك كورسەتۋ بويىنشا داۋلاردى رەتتەۋ جانە ونىڭ اياسىندا مەدياتسيا قىزمەتىن كورسەتۋ بولىپ تابىلادى. بيزنەس-ومبۋدسمەن وڭىرلىك سالا كەڭەسىنىڭ وكىلدەرى كەزەكشىلىك پەن اپتاسىنا 2 رەت جۇمىس ىستەيتىن بولادى. سونداي- اق, بيزنەس -ومبۋدسمەننىڭ ايماقتىق كەڭسەسىنەن الىستان كەزەكشىلىك قىزمەت كورسەتۋ ماسەلەسىن پىسىقتاۋعا بولادى, دەپ اتاپ ءوتتى ماڭعىستاۋ وبلىسى كاسىپكەرلەر پالاتاسى ديرەكتورىنىڭ ورىنباسارى بولات قاليەۆ.
ال ماڭعىستاۋ وبلىسى كاسىپكەرلەر قۇقىعىن قورعاۋ جانە سىبايلاس جەمقورلىققا قارسى ءىس قيمىل كەڭەسىنىڭ توراعاسى شىمباي سۇلتانوۆتىڭ ايتۋىنشا, كاسىپكەرلىك سۋبەكتىلەردىڭ قاتىسۋىمەن داۋلاردى سوتقا دەيىن رەتتەۋ, سوت ورگاندارىنىڭ قاتىسۋىنسىز شەشۋ تاراپتاردىڭ ماسەلەسىن قاراستىرۋ- نەگىزگى ماقسات. زاڭدى تۇلعالار جانە جەكە كاسىپكەر اراسىندا شارۋاشىلىق باعىتتاعى داۋلاردى ۋاقىتتى ۇنەمدەي وتىرىپ, قانداي دا ءبىر سوت شىعىندارىن بولدىرماي شەشۋ ءۇشىن اسا قاجەت.
