ەسەپتەلگەن ۇستەمەاقىلاردىڭ سوماسى دا 56%-عا كوبەيدى. مەديتسينالىق قىزمەتكەرلەرگە ءساۋىر ايىندا 7,6 ملرد تەڭگە (ناۋرىز ايىنا – 3,3 ملرد تەڭگەدەن استام) تولەندى.
«نۇر-سۇلتان قالاسى بويىنشا ساۋىردە ەپيدەمياعا قارسى ءىس-شارالارعا تارتىلعان مەديتسينا قىزمەتكەرلەرىنە 1,1 ملرد تەڭگە ۇستەمەاقى تولەندى.
ۇستەمەاقى مولشەرىنىڭ ايتارلىقتاي ءوسۋى ءساۋىر ايىندا كۆي بويىنشا ەپيدەميالىق جاعدايدىڭ ناشارلاۋىنا بايلانىستى بولدى. سايكەسىنشە, ناۋرىز ايىمەن سالىستىرعاندا ساۋىردە مەديتسينا قىزمەتكەرلەرى ەپيدەمياعا قارسى ءىس-شارالارعا كوپ تارتىلدى», - دەيدى «الەۋمەتتىك مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى ايدار سەيىتقازينوۆ.
ەستەرىڭىزگە سالا كەتەيىك, دەنساۋلىق ساقتاۋ مينيسترلىگىنىڭ بۇيرىعى بويىنشا ەپيدەمياعا قارسى ءىس-شارالارعا قاتىساتىن مەديتسينا قىزمەتكەرلەرى 3 تاۋەكەل توپقا بولىنگەن. ولارعا جۇمىس كەستەسىنە سايكەس 212,5 مىڭ تەڭگەدەن (5 ەتج) 850 مىڭ تەڭگەگە دەيىن (20 ەتج) ۇستەمەاقى تولەنەدى. جالپى, بۇل ماقساتقا رەسپۋبليكالىق بيۋدجەتتەن 35,7 ملرد. تەڭگەدەن استام قاراجات بولىنگەن.
ەپيدەميالىق جاعدايدى ەسكەرە كەلە, بولجام بويىنشا مامىر ايىندا ۇستەمەاقى تولەۋگە 8,6 ملرد تەڭگە جۇمسالۋى مۇمكىن.
