وسى ورايدا اۋداندا بوس جۇمىس ورىندارىنىڭ جىلجىمالى جارمەڭكەسى ۇيىمداستىرىلۋدا. شارانىڭ ماقساتى – توپان سۋدان زارداپ شەككەن اۋىلداردىڭ تۇرعىندارىنا ارنالىپ مىرزاكەنت كەنتىنىڭ شىعىس جاق بەتىندە سالىنىپ جاتقان جاڭا شاعىن اۋدانداعى تۇرعىن ءۇي قۇرىلىسىنا قاجەتتى جۇمىسشىلاردى تارتۋ.
اۋداندىق جۇمىسپەن قامتۋ ورتالىعىنىڭ ماماندارى 2 كەنت جانە 9 اۋىلدىق وكرۋگتى ارالاپ, تۇرعىندارعا بوس جۇمىس ورىندارىن ۇسىنۋدا. جىلجىمالى جارمەڭكە بارىسىندا 32 مەردىگەر مەكەمەگە قاجەتتى ءارتۇرلى جۇمىس ۇسىنىلۋدا. جۇمىسشىلارعا جالاقى كەلىسىم تۇرىندە تولەنەتىن بولادى.
ماسەلەن, قابىرعا ءورۋدىڭ ءبىر شارشى مەترى 7 مىڭ تەڭگە, شاتىر جابۋ 1.5- 2 مىڭ تەڭگە اراسىندا, سەيموبەلدەۋ قۇيۋدىڭ شارشى مەترى 1.5 مىڭ تەڭگە شاماسىندا تولەنەدى. ماقتاارال اۋداندىق حالىقتى جۇمىسپەن قامتۋ ورتالىعى ديرەكتورىنىڭ ورىنباسارى جاقسىبەك توقبەرگەنوۆتىڭ ايتۋىنشا, جىلجىمالى جارمەڭكە الداعى ۋاقىتتا دا وتكىزىلەتىن بولادى.
