مينيسترلىكتىڭ مالىمەتىنشە, بۇگىن مەملەكەت باسشىسى «تۋريستىك سالانى جانە بالالار سپورتىن قولداۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.
قۇجات بالالار مەن جاسوسپىرىمدەر سپورت مەكتەپتەرىن جان باسىنا شاققانداعى نورماتيۆتىك قارجىلاندىرۋ جۇيەسىن ەنگىزۋدى كوزدەيدى.
مەملەكەت باسشىسىنىڭ تاپسىرماسىن ورىنداۋ اياسىندا تۋريزم جانە سپورت مينيسترلىگى بالالار مەن جاسوسپىرىمدەر سپورتىن قارجىلاندىرۋ جۇيەسىن جاڭعىرتۋعا باعىتتالعان ءتيىستى زاڭ جوباسىن ازىرلەدى.
«جان باسىنا شاققانداعى قارجىلاندىرۋ جۇيەسىنە كوشۋ بالالار مەن جاسوسپىرىمدەر سپورتىن قامتاماسىز ەتۋ دەڭگەيىن ارتتىرۋعا مۇمكىندىك بەرەدى. اتاپ ايتقاندا, بالالار مەن جاسوسپىرىمدەر سپورت مەكتەپتەرىندە ءبىر سپورتشىنى قامتاماسىز ەتۋگە جىلىنا ورتا ەسەپپەن 415 مىڭ تەڭگە بولىنەدى. قازىرگى ۋاقىتتا سمەتالىق قارجىلاندىرۋ كەزىندە بۇل كورسەتكىش ورتا ەسەپپەن 233 مىڭ تەڭگەنى قۇرايدى», دەلىنگەن حابارلامادا.
ايتا كەتۋ كەرەك, وسى ۋاقىتقا دەيىن تۋريزم جانە سپورت مينيسترلىگى سمەتالىق قارجىلاندىرۋ جۇيەسىن قولداناتىن جالعىز مەملەكەتتىك ورگان بولىپ كەلدى. وسىعان بايلانىستى سالانى باسقارۋ تيىمدىلىگىن ارتتىرۋ ماقساتىندا جان باسىنا شاققانداعى قارجىلاندىرۋ جۇيەسىنە كوشۋ جوسپارلانىپ وتىر.
پرەزيدەنت 2026 جىلعى اسكەرگە شاقىرۋ تۋرالى جارلىققا قول قويدى
«جوبانى ىسكە اسىرۋ جەرگىلىكتى بيۋدجەتتەردەن قوسىمشا قاراجات ءبولۋدى تالاپ ەتەدى. اتالعان شىعىستار رەسپۋبليكالىق بيۋدجەت كوميسسياسىنىڭ شەشىمىمەن قولداۋ تاپتى, قوسىمشا قاراجات جەرگىلىكتى بيۋدجەتتەر ەسەبىنەن بولىنەدى. ەلىمىزدەگى بارلىق بالالار مەن جاسوسپىرىمدەر سپورت مەكتەپتەرىندە جان باسىنا شاققانداعى نورماتيۆتىك قارجىلاندىرۋ جۇيەسىن ەنگىزۋ 2026 جىلعا جوسپارلانىپ وتىر», دەلىنگەن حابارلامادا.
