اليانس مالىمدەمەسىندە وتكەن رەسپۋبليكالىق رەفەرەندۋم جاي عانا داۋىس بەرۋ ەمەس, ۇلتتىق بىرلىكتىڭ شىنايى كورىنىسى بولعانى اتاپ وتىلگەن.
«سايلاۋشىلاردىڭ 73 پايىزدان استامىنىڭ قاتىسۋى جانە ازاماتتاردىڭ شامامەن 90 پايىزىنىڭ كونستيتۋتسيانىڭ جاڭا رەداكتسياسىن قولداۋى – بۇل جاي عانا ستاتيستيكا ەمەس.
بۇل – حالىق ەركىنىڭ تىكەلەي كورىنىسى ءارى ءاربىر ازاماتتىڭ ادىلەتتى قازاقستاندى قۇرۋعا دەگەن سانالى ۇمتىلىسى», دەلىنگەن مالىمدەمەدە.
قازاقستان ازاماتتىق اليانسى ۇكىمەتتىك ەمەس ۇيىمداردىڭ وكىلدەرىنە, قوعامدىق بەلسەندىلەر مەن ەرىكتىلەرگە تەرەڭ ريزاشىلىعىن ءبىلدىردى.
«سىزدەر اۋقىمدى جۇمىس اتقاردىڭىزدار: ەلىمىزدىڭ ءاربىر وڭىرىندە, قالاسى مەن اۋىلىندا اشىق ديالوگ جۇرگىزىپ, ازاماتتارعا كونستيتۋتسيالىق رەفورمالاردىڭ ءمانى مەن ماڭىزىن تەرەڭ تۇسىنۋگە ىقپال ەتتىڭىزدەر. سىزدەردىڭ قاجىر-قايراتتارىڭىز بەن كاسىبيلىكتەرىڭىز وسى رەفەرەندۋمنىڭ شىنايى «ۇنىنە» اينالدى. ۇدەرىستىڭ اشىقتىعى مەن زاڭدىلىعىن قامتاماسىز ەتۋدە تاۋەلسىز بايقاۋشىلار مەن ساراپشىلاردىڭ ءرولى ەرەكشە بولدى. ءدال سىزدەردىڭ ۇستانىمشىلدىقتارىڭىز بەن اشىقتىققا نەگىزدەلگەن جۇمىستارىڭىز داۋىس بەرۋ ناتيجەلەرىنە دەگەن جوعارى قوعامدىق سەنىمنىڭ بەرىك نەگىزىن قالىپتاستىردى. جاڭارتىلعان كونستيتۋتسيا – بۇل ءبىزدىڭ جاڭا قوعامدىق كەلىسىمىمىز. بۇل – ۇلكەن جولدىڭ باستاۋى», دەلىنگەن حابارلامادا.
اليانس ازاماتتىق قوعام وكىلدەرىن قابىلدانعان نورمالاردى ىسكە اسىرۋ ءۇشىن وسى جاسامپاز ەنەرگيانى ساقتاۋعا شاقىرىپ, ءار ازاماتقا ازاماتتىق باتىلدىعى, جاۋاپكەرشىلىگى جانە قۇقىقتىق مەملەكەتىمىزدىڭ دامۋىنا قوسقان ۇلەسى ءۇشىن العىس ايتتى.
