اقپارات كوزدەرىنىڭ مالىمەتىنشە, شابۋىل ماسكەۋ ۋاقىتىمەن تاڭعى 05:30-دا (استانا ۋاقىتىمەن 07:30) باستالعان. ەكاتەرينبۋرگ تۇرعىندارى اسپانداعى گۇرىلدەن سوڭ, قاتتى جارىلىس داۋىسىن ەستىگەن.
ەكاتەرينبۋرگتىڭ ءدال ورتالىعىندا ورنالاسقان «ترينيتي» تۇرعىن ءۇي كەشەنىنە درون كەلىپ سوعىلعان. جوعارعى قاباتتاردىڭ تەرەزەلەرى قيراپ, ءتۇتىن شىققان. كوپقاباتتى ۇيدەن 50-دەن استام ادام ەۆاكۋاتسيالانعان. كەم دەگەندە ءتورت پاتەرگە زاقىم كەلگەن.
يراننىڭ درونى ازەربايجان اۋماعىنا قۇلادى: شەكاراعا اسكەر توپتاستىرىلىپ جاتىر
الدىن الا مالىمەت بويىنشا, قالاعا ۋكراينانىڭ «ليۋتىي» ءتيپتى ۇشقىشسىز ۇشۋ اپپاراتتارى شابۋىل جاساعان. دروننىڭ بولشەكتەرى مەن عيمارات قاسبەتىنىڭ سىنىقتارى وقيعا ورنىنان 200 مەتر قاشىقتىققا دەيىن شاشىراعان.
شابۋىل سالدارىنان التى ادام زارداپ شەكتى. ولاردىڭ ءبىرى ءتۇرلى جاراقاتتارمەن اۋرۋحاناعا جاتقىزىلسا, قالعان بەسەۋى تۇتىنگە ۋلانىپ, اۋرۋحاناعا بارۋدان باس تارتقان.
سونىمەن قاتار چەليابينسك ماڭىندا دا بىرنەشە جارىلىس بولدى. جەرگىلىكتى بيلىك ينفراقۇرىلىم نىساندارىنىڭ بىرىنە جاسالعان شابۋىلدىڭ بەتى قايتارىلعانىن, زارداپ شەككەندەر جوق ەكەنىن ايتادى.
