2026 جىلدان باستاپ باعدارلاماعا بىرنەشە جاڭالىق ەنگىزىلدى. ەڭ باستىسى, جالپى ءبىلىم بەرەتىن پاندەر بويىنشا حالىقارالىق وليمپيادالاردىڭ جانە عىلىمي جوبالاردىڭ I-III ورىن يەگەرلەرى «باكالاۆريات» ساناتىنا قاتىسا الادى. سونىمەن قاتار اتوم ەنەرگەتيكاسى سالاسى بويىنشا جەكە باعىت اشىلدى, ال «جاساندى ينتەللەكت» باعىتى بويىنشا كاسىبي تاعىلىمدامالارعا بولەك سانات ءبولىندى.
2026 جىلى «بولاشاق» باعدارلاماسى بويىنشا 635 ستيپەنديا ءبولىندى: باكالاۆريات – 20, ماگيستراتۋرا – 400, دوكتورانتۋرا – 50, كاسىبي تاعىلىمدامالار – 165. باسىم ماماندىقتار تىزبەسى مەملەكەتتىك ورگانداردىڭ سۇرانىسىنا جانە ەكونوميكاداعى كادرلىق قاجەتتىلىككە ساي قالىپتاستىرىلدى.
تۇركيادا ءبىلىم الىپ جاتقان قازاق جاستارى رەفەرەندۋمعا بەلسەندى قاتىستى
باعدارلاماعا قاتىسۋ ءۇشىن جوعارى وقۋ ورىندارىنىڭ ءتىزىمى جاڭارتىلىپ, ءوز سالاسىندا جەتەكشى ۋنيۆەرسيتەتتەر قوسىلدى. سونداي-اق عىلىمي تاعىلىمدامالارعا ارنالعان جوعارى وقۋ ورىندارى مەن عىلىمي ورتالىقتاردىڭ ءتىزىمى ۇسىنىلعان. «عىلىمي تاعىلىمدامالار» باعدارلاماسىنا قۇجات قابىلداۋ 16 ناۋرىزدان 30 قازانعا دەيىن جۇرگىزىلەدى. قۇجاتتار egov.kz ارقىلى نەمەسە استانا قالاسى, سىعاناق كوشەسى, 70 مەكەنجايىندا ورنالاسقان «حالىقارالىق باعدارلامالار ورتالىعى» اق كەڭسەسىنىڭ 5-قابات, 508-كابينەتىندە (قولما-قول) قابىلدانادى. باسقا قالادان كەلگەن ۇمىتكەرلەر سەنىمحات ارقىلى تاپسىرا الادى.
«عىلىمي تاعىلىمدامالار» باعدارلاماسى الەمنىڭ جەتەكشى عىلىمي ورتالىقتارىندا قازاقستاندىق عالىمداردىڭ بىلىكتىلىگىن ارتتىرۋ ماقساتىندا ۇيىمداستىرىلعان. 2026 جىلى عىلىمي تاعىلىمدامالارعا 250 ستيپەنديا ءبولىندى. باعدارلاما وقۋ اقىسى, مەديتسينالىق ساقتاندىرۋ, ۆيزالىق راسىمدەر, ۇشاق بيلەتتەرى جانە وقۋ ماتەريالدارىن ساتىپ الۋ شىعىندارىن, سونداي-اق اي سايىنعى ستيپەنديانى قامتيدى.
ۇمىتكەرلەرگە قويىلاتىن تالاپتار, باسىم ماماندىقتار ءتىزىمى, ۋنيۆەرسيتەتتەر مەن عىلىمي ورتالىقتار تۋرالى تولىق اقپاراتتى bolashak.gov.kz سايتىنان كورە الاسىزدار.
قازاقستاندا العاش رەت وڭىرلىك ءبىلىم بەرۋ – وندىرىستىك كلاستەرى ىسكە قوسىلدى
بارلىق سۇراقتار بويىنشا 8 (7172) 76-90-76 (ىشكى 110, 112, 113, 114, 115, 301) نومىرىنە حابارلاسۋعا بولادى.
