فوتو: وقۋ-اعارتۋ مينيسترلىگى
قازىر تەحنيكالىق جانە كاسىپتىك ءبىلىم بەرۋ جۇيەسىندە 763 كوللەدجدە شامامەن 556 مىڭ ستۋدەنت ءبىلىم الىپ ءجۇر. ستۋدەنتتەردىڭ 70% مەملەكەتتىك ءبىلىم بەرۋ تاپسىرىسى بويىنشا تەگىن وقيدى, ال كادرلار دايارلاۋعا شامامەن 40 مىڭ پەداگوگ تارتىلعان.
وسى جۇمىس اياسىندا وقۋ-اعارتۋ مينيسترلىگى ChatGPT Edu ءبىلىم بەرۋ پلاتفورماسىن كوللەدجدەرگە كىرىكتىرۋ جۇمىسىن جۇرگىزىپ جاتىر. پەداگوگتارعا OpenAI Education for Countries حالىقارالىق باعدارلاماسى بويىنشا مينيسترلىككە بەرىلگەن جالپى كۆوتادان 10 000 ليتسەنزيا ءبولىندى. قازاقستان وسى باستاماعا قوسىلعان ورتالىق ازياداعى العاشقى مەملەكەت ەكەنىن ەسكە سالايىق.
ChatGPT Edu پەداگوگتارعا ساباق جوسپارلارىن, تەستتەر مەن پراكتيكالىق كەيستەردى جەدەل دايىنداۋعا, كۇردەلى تەحنيكالىق ماتەريالداردى قازاق, ورىس جانە اعىلشىن تىلدەرىنە بەيىمدەۋگە, ستۋدەنتتەرمەن كەرى بايلانىس ورناتۋعا مۇمكىندىك بەرەدى. كوللەدجدەردىڭ وقۋ ۇدەرىسىندە جاساندى ينتەللەكتتى قولدانۋ ەكونوميكانىڭ زاماناۋي تەحنولوگيالىق جانە يننوۆاتسيالىق سالالارىندا جۇمىس ىستەۋ ءۇشىن قاجەتتى تسيفرلىق داعدىلار مەن قۇزىرەتتەرگە يە مامانداردى دايارلاۋعا ىقپال ەتەدى.
DeepSeek پەن ChatGPT-ءدى جالعان نۇسقالاردان قالاي اجىراتۋعا بولادى؟
سونىمەن قاتار, كادر دايارلاۋدىڭ مازمۇنى دا جاڭارتىلىپ جاتىر. كوللەدجدەردىڭ ءبىلىم بەرۋ باعدارلامالارىنا زاماناۋي وندىرىستىك تەحنولوگيالار مەن WorldSkills ستاندارتتارىنا باعدارلانعان تسيفرلىق مودۋلدەر ەنگىزىلگەن. تسيفرلىق قۇرالدارمەن تولىقتىرىلعان زاماناۋي شەبەرحانالار كوللەدجدەردى جاستار ءۇشىن تارتىمدى ەتىپ, تەحنولوگيالىق تۇرعىدان دامىپ كەلە جاتقان سالالار ءۇشىن ماماندار دايارلاۋعا ىقپال ەتىپ جاتىر.
