– ەڭبەك كودەكسىنە 131 وزگەرىستەر مەن تولىقتىرۋلار ەنگىزىلدى. اتاپ ايتساق, 67 باپ وزگەرتىلىپ, 41 تالاپ جاڭاردى. وسى وزگەرىستەردى حالىققا ءتۇسىندىرۋ ماقساتىندا ەڭبەك ينسپەكتسياسى جانە كوشى-قون باسقارماسى, «شىمكەنت قالاسى كاسىپوداقتار ورتالىعى» اۋماقتىق كاسىپوداقتار بىرلەستىگى جانە شىمكەنت قالاسىنىڭ كاسىپكەرلىك پالاتاسىمەن بىرلەسە جۇمىستار جۇرگىزىلۋدە. وسىعان بايلانىستى 140 ءىرى مەكەمەگە, ونىڭ ىشىندە 65 مەملەكەتتىك مەكەمەگە جانە 75 جەكە مەكەمەگە حات جولداندى. قازىرگى تاڭدا كاسىپورىن باسشىلىقتارى ءتۇسىندىرۋ جۇمىستارىنا دايىن ەكەندىكتەرىن حابارلاپ, سوعان سايكەس مەكەمەلەردىڭ كەستەسى جاساقتالۋدا. ال كارانتين اياقتالعاننان سوڭ, باسقارمانىڭ مەملەكەتتىك ەڭبەك ينسپەكتورلارى تاراپىنان اقپاراتتىق-ءتۇسىندىرۋ جۇمىستارى جۇرگىزىلەدى, – دەدى باۋىرجان احمەتالى ۇلى.
ايتا كەتسەك, اتالعان زاڭ ەڭبەك شارتتارىن ءتۇزۋ جانە ەسەپكە الۋ پروتسەسىن اۆتوماتتاندىرادى. وسىعان بايلانىستى «ەڭبەك شارتتارىن ەسەپكە الۋدىڭ بىرىڭعاي جۇيەسىن» جانە ەڭبەك سالاسىندا جۇمىسشىلاردىڭ قۇقىقتارى مەن بوستاندىقتارىنا شەكتەۋ جاساۋ فاكتىلەر بويىنشا جۇمىسشىلاردى جاۋاپكەرشىلىككە تارتۋ نورماسى ەنگىزىلگەن. سونداي-اق بۇرىن جۇمىسشىنى اسكەري قىزمەتتە بورىشىن وتەۋگە شاقىرتۋلار ەڭبەك شارتىن توقتاتۋعا نەگىز بولعان بولسا, قازىر جۇمىس بەرۋشىگە ازاماتتىڭ جۇمىس ورنىن ساقتاۋدى مىندەتتەۋدى قاراستىرادى.
وعان قوسا, ەڭبەك شارتىندا جۇمىسشىمەن كەلىسىم بويىنشا حابارلاما بەرمەي-اق, وتەماقى تولەمىن جۇرگىزىپ, جۇمىس بەرۋشىگە ەڭبەك شارتىن توقتاتۋعا مۇمكىندىك بەرگەن 50-باپتىڭ 3-تارماعى الىنىپ تاستالعان. بۇل رەتتە ەڭبەك قاۋىپسىزدىگى جانە ەڭبەكتى قورعاۋ جونىندە الەۋمەتتىك ارىپتەستىك سالاسىندا ناقتىلاۋ سيپاتىنا وزگەرىس ەنگىزىلگەن.
