ءبىلىم • 25 مامىر، 2020

مەن مەكتەپ بىتىرگەندە بىردەن گرانتقا تۇسە المادىم – مينيستر

194 رەت كورسەتىلدى

ءبىلىم جانە عىلىم ءمينيسترى اسحات ايماعامبەتوۆ 2019-2020 وقۋ جىلىنىڭ اياقتالۋىمەن قۇتتىقتاعان ۆيدەو جولداۋىندا بيىلعى مەكتەپ تۇلەكتەرىنە تەستىلەۋگە قاتىستى ءوز تاجىريبەسىمەن بايانداپ بەردى .

«بيىل مەكتەپتى ءتامامداپ جاتقان تۇلەكتەرگە ارنايى توقتالعىم كەلەدى. اركىم ءوز بولاشاعىنىڭ جارقىن بولعانىن قالايدى. تاۋەكەلگە بارۋ ارقىلى عانا ءار ادام ءوزى ارمانداعان ماماندىقتىڭ يەسى بولا الادى. مۇمكىندىكتەردى پايدالانا ءبىلۋ كەرەك. الدان بەتتەن قايتپاۋ وتە ماڭىزدى ەكەنىن ءوز ومىرىمنەن بىلەمىن. ماسەلەن، مەن مەكتەپ بىتىرگەندە بىردەن گرانتقا تۇسە المادىم. ودان ۇيالۋدىڭ ەشقانداي قاجەتى جوق. مەن ءبىر جىل تاعى دايىندالىپ، تەستىنى قايتا تاپسىرامىن دەپ شەشىم قابىلدادىم. جىل ون ەكى اي تاباندىلىقپەن دايىندالىپ، كەلەسى جىلى ارمانداعان گرانتقا قول جەتكىزدىم. جاقىندا باسىم كوپشىلىگىڭىز ۇبت تاپسىراسىزدار. بۇل – جاي عانا سىناق، ونىڭ ۇستىنە ومىرلەرىڭىزدەگى ەڭ جەڭىل ەمتيحاننىڭ ءبىرى. اينالاڭىزداعى ادامدار قولىڭىزدان ەشتەڭە كەلمەيتىنىن ايتسا دا، تاباندىلىق پەن قاجىرلى ەڭبەك ناتيجەگە قول جەتكىزەتىنىن ەستەن شىعارماڭىزدار. ناتيجە قاتەلىكپەن كەلەدى، قاتەلەسۋدەن قورىقپاڭىزدار»، دەدى مينيستر.

سوڭعى جاڭالىقتار

ۇقساس جاڭالىقتار