ستۋدەنتتەر تابىسپەن ورالدى

ناۋرىز ايىنىڭ 23-29 ارالى­عىندا ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ءبىر توپ ستۋدەنتتەرى مەن ۇستازدارى ءتۇر­كيا ەلىنىڭ ەسكىشەھير قالاسىندا وتكەن V بالالار مەن جاستار تەاتر­لارى جانە انكارا قالاسىندا بول­عان ءىV حالىق­ارا­لىق تەاتر فەستي­ۆال­دەرىنە قاتى­سىپ قايتتى. اتال­مىش وقۋ ورىنى­نىڭ تەاتر ونەرى فاكۋلتەتىنىڭ 4 كۋرس ستۋدەنتتەرى بۇل ونەر سايىسىندا قازاقتىڭ ۇلى جازۋشىسى م.اۋەزوۆ­تىڭ “ايمان-شولپان” پەساسى نەگىزىندە ساحنالانعان قويىلىمدى كورسەتىپتى. ون جەتى ستۋدەنتتى باستاپ بۇل ساپاراعا اكادەميا وقىتۋشىلارى د.تۇرانقۇلوۆا, ل.التىباەۆا, ت.كوبەكوۆ بارىپتى. ونەردەگى ورەلى تابىسپەن, مول قۋانىشپەن ورالعان اكادەميا ستۋ­دەنتتەرىنىڭ تۇركيادان العان اسەر­لەرى جەتەرلىك. باۋىرلاس ەلدىڭ ءتورىن­دە شالقىتا كۇي شەرتىپ, توگىلتە ءان ايتىپ, مىڭ بۇرالتىپ بي بيلەگەن. فەستيۆالگە قاتىسقان بولگاريا, فرانتسيا, گوللانديا, رۋمىنيا, رەسەي, تاتارستان سىندى مەملەكەت­تەرمەن يىق تىرەستىرە ونەر كورسەتىپتى. تۇركيا ەلىندە وتكەن وسى تەاتر فەستيۆالىنە اكادەميا ستۋدەنتتەرى “تۇركسوي” حالىقارالىق ۇيىمىنىڭ پرەزيدەنتى دۇيسەن قاسەيىنوۆتىڭ كولداۋىمەن قاتىسىپ, ۇلكەن تابىسقا قول جەتكىزىپتى. تالانتتى جاستاردىڭ ۇستازى, پروفەسسور د.تۇرانقۇلوۆا: “بۇل ساپاردا ءبىز ونەر كورسەتۋمەن قاتار, تۇركيا ەلىنىڭ مادەنيەتىمەن, رۋحانياتىمەن,تىنىس-تىرشىلىگىمەن, سالت-داستۇرىمەن تانىستىق. ءبىز ونەر كورسەتەر تۇستا التى ءجۇز ورىندىق تەاتر زالىندا ينە شانشار ورىن بولمادى. كىرە الما­عان كورەرمەندەر سىرتقا قويىلعان ەكراننان تاماشالادى”, – دەيدى. ونەر الەمىنە قانات قاققان وزىق ويلى شاكىرتتەر ساپاردان العان اسەرلەرىن جارىسا باياندايدى. ەكا­تەرينبۋرگ قالاسىندا وتكەن عىلىمي كونفەرەنتسيانىڭ جەڭىم­پازى, تالانتتى جاس ماقسات ءسابيتوۆ: “تۇرىك جەرىنەن العان تاعىلىم الداعى ۋاقىت­تا ءبىزدىڭ شىعارماشىلىعىمىزعا زور شابىت سىيلايدى دەپ سەنەمىز. تۇرىك جاستارىنىڭ ءوز انا تىلدەرىنە, سالت-داستۇرلەرىنە دەگەن قۇرمەتتەرى وراسان ەكەن. مىسالى, ۇمىت بولعان توعىزقۇمالاق ويىنىنا ارنالعان عيماراتتى ءۇش تۇرىك ازاماتى ءوز قاراجاتتارىنا سالىپ, ۇلتتىق قۇندىلىقتى جاڭعىرتىپتى. وسى ورايدا, ورتا عاسىرلاردى قازاق­ستاندا “ەربۋ” اتتى سۋعا سۋرەت سالۋ ونەرى بولعاندىعىن سول جاقتان ەستىپ كەلدىك. ەندى نەگە بىزگە “ەربۋ-ەمىرەنۋ”دەگەن ونەرىمىزدى قايتا جاڭعىرتپاسقا!؟ ءۇش تۇرىك جىگىتىنىڭ قولىنان كەلگەن ءىس ءبىزدىڭ قازاقتىڭ قولىنان نەگە كەلمەسىن؟” – دەيدى. انكارانىڭ الاڭىندا ءماريام جاگورقىزىنىڭ “دۋداراي” ءانىن شىرقاپ, بارشا الەۋمەتتى اۋزىنا قاراتقان سىرىمبەت بيبوسىنوۆ: “حالىق ءاندى ۇيىپ تىڭدادى. اللاعا شۇكىر, اننەن كەيىنگى حالىقتىڭ قوشەمەتىن كورسەڭىز. بۇل كۋرس جەتەكشىسى, ايتۋلى ونەر قايراتكەرى, پروفەسسور م.بايسەركەنوۆتىڭ ەڭبەك جەمىسى دەر ەدىم. ءبىر سوزبەن ايتقاندا, ساپاردان العان اسەرىمىز وتە كەرەمەت!” – دەپ, ءسوزىن قىسقا قايىردى. جاستار وسى ساپاردىڭ جۇزەگە اسۋىنا بىردەن-ءبىر سەپتىگىن تيگىزگەن اكادەميا رەكتورى ا.مۇحامەدي ۇلىنا جانە ونىڭ ۇسىنىسىن قولداعان تۇركسوي حالىقارالىق ۇيىمىنىڭ پرەزيدەنتى د.قاسەيىنوۆكە شەكسىز ريزاشىلىقتارىن بىلدىرەدى. ءساتتى ساپارلار تاۋسىلماي, ءتاتتى سىرلار ۇزىلمەسىن! سۇلەيمەن مامەت.