سىبايلاس جەمقورلىقتىڭ الدىن الۋ جونىندە ءماجىلىس ءوتتى

قازاقستان • 22 مامىر، 2020

سىبايلاس جەمقورلىقتىڭ الدىن الۋ جونىندە ءماجىلىس ءوتتى

25 رەت كورسەتىلدى

كەشە اقپارات جانە قوعامدىق دامۋ ءمينيسترى ايدا بالاەۆانىڭ، سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى ولجاس بەكتەنوۆتىڭ، سونداي-اق مينيسترلىك باسشىلىعىنىڭ قاتىسۋىمەن بەينەكونفەرەنتسيابايلانىسى ارقىلى ءماجىلىس بولىپ ءوتتى.

Egemen Qazaqstan

ماجىلىستە ەكى ماسەلە قارالدى: باعىنىشتىلارىنىڭ سىبايلاس جەمقورلىعى ءۇشىن باسشىنىڭ جاۋاپكەرشىلىگى تۋرالى قاراشا ايىنداعى تۇزەتۋلەردى تۇسىندىرۋگە قاتىستى جانە مينيسترىلكتىڭ جانە ونىڭ ۆەدومستۆوعا باعىنىستى ۇيىمدارىنىڭ قىزمەتىندەگى سىبايلاس جەمقورلىق تاۋەكەلدەرى.

اگەنتتىكتىڭ سىبايلاس جەمقورلىققا قارسى جاڭا شارالاردى ءتۇسىندىرۋ بويىنشا جۇرگىزىپ جاتقان جۇمىسى شەڭبەرىندە ءىس-شاراعا قاتىسۋشىلارعا باعىنىشتىلاردىڭ سىبايلاس جەمقورلىق ءۇشىن جاۋاپتىلىعى تۋرالى تۇزەتۋلەر جەتكىزىلدى.
ءماجىلىستى اشا وتىرىپ، سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى و.ا. بەكتەنوۆ اتالعان ينستيتۋتتىڭ مەملەكەت باسشىسىنىڭ تاپسىرماسى بويىنشا زاڭناماعا ەنگىزىلگەنىن اتاپ ءوتتى.

ول ودان ءارى ول وسى ينستيتۋتتى ىسكە اسىرۋ تەتىگىنە توقتالدى.
و.ا. بەكتەنوۆ مينيسترلىكتىڭ باعىتتاردىڭ كەڭ اۋقىمىنا جەتەكشىلىك جاسايتىنداعىن قامتيتىنىن جانە سىبايلاس جەمقورلىقتىڭ الدى الۋ ماڭىزدىلىعىن اتاپ ءوتتى: «كەلتىرىلگەن زالال جانە كىنالى ادامدى قىلمىستىق جاۋاپكەرشىلىككە تارتۋ تۇرىندە ناتيجەسىنە كورگەنشە، تەرىس سالدارلاردىڭ الدىن العان جاقسى».

بايانداماشى مينيسترلىك باسشىلىعىنىڭ نازارىن ولاردىڭ قىزمەتى نەگىزىنەن ىشكى قۇجاتتارمەن رەتتەلەتىن جانە تاجىريبە كورسەتىپ وتىرعانداي، ولاردا نەگىزگى سىبايلاس جەمقورلىق تاۋەكەلدەرى جاسىرىلعان ۆەدومستۆوعا باعىنىستى ۇيىمدارىنا اۋداردى.

اقپارات جانە قوعامدىق دامۋ ءمينيسترى ايدا بالاەۆا قازاقستاندا سىبايلاس جەمقورلىقپەن كۇرەستىڭ مەملەكەتتىك ساياساتتىڭ باستى باسىمدىقتارىنىڭ ءبىرى بولىپ تابىلاتىنىن اتاپ ايتتى.
ء«بىزدىڭ قوعامدا سىبايلاس جەمقورلىق ۇعىمى مەملەكەتتىك قىزمەتپەن ءجيى بايلانىستىرىلادى. سىبايلاس جەمقورلىق كەز كەلگەن مەملەكەت ءۇشىن ۇلكەن قاۋىپ تەندىرەدى. ەڭ باستىسى، ونىڭ كورىنىستەرى ازاماتتاردىڭ بيلىككە جانە ونىڭ بارلىق قىزمەتىنە دەگەن سەنىمىن وزگەرتەدى. بۇل جۇيەلى ماسەلە «قازاقستان رەسپۋبليكاسىنىڭ مەملەكەتتىك قىزمەتى تۋرالى» زاڭعا ەنگىزىلگەن جۋىرداعى تۇزەتۋلەر جيناعى شەشۋگە كومەكتەسەدى دەپ ۇمىتتەنەمىن. ءوز تاراپىمنان بارلىق ارىپتەستەرىمدى سىبايلاس جەمقورلىق كورىنىستەرىنىڭ كەز كەلگەن تۇرىنە قارسى تۇرۋعا شاقىرامىن»، - دەپ تۇيىندەدى ءسوزىن مينيستر.

و.ا. بەكتەنوۆ ءوز ءسوزىن قورىتىندىلاي كەلە، سىبايلاس جەمقورلىققا ىقپال وتەتىن سەبەپتەر مەن جاعدايلاردى بولدىرماۋ ءۇشىن قاجەتتى زاڭنامالىق نەگىز جاسالعاندىعىن اتاپ ءوتتى. ماسەلە بار تەتىكتەردى ءتيىمدى قولدانۋدا عانا.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز