قازاقستان • 22 مامىر، 2020

بۇقار جىراۋ اۋدانىندا گەولوگيالىق بارلاۋ جۇمىستارى باستالدى

16 رەتكورسەتىلدى

«قازگەولوگيا» اق مەملەكەتتىك تاپسىرىستاعى نىسانداردىڭ بىرىندە، ناقتى ايتقاندا قاراعاندى وبلىسى بۇقار جىراۋ اۋدانىنداعى تايوجنىي ۋچاسكەسىندە دالا جۇمىستارىن باستادى. بۇل تۋرالى ەكولوگيا، گەولوگيا جəنە تابيعي رەسۋرستار مينيسترلىگى حابارلادى.

گەولوگيالىق بارلاۋ جۇمىستارى مىس-مىرىش كەن ورنىن انىقتاۋ ماقساتىندا جۇرگىزىلىپ جاتىر. جەر بەدەرىنىڭ ەرەكشەلىگى ەسكەرىلىپ، كەم دەگەندە 700 مەتر تەرەڭدىكتە ءدال دەرەكتەر الۋعا مۇمكىندىك بەرەتىن كولەمى 250ح250م قۇرايتىن گەنەراتورلى قابىلداعىش پايدالانىلۋدا.

سونداي-اق گەوفيزيكالىق جۇمىستاردى زاماناۋي «تسيكل» سەرياسىنداعى R8s بارلاۋ قۇرلىعى جەڭىلدەتىپ كەلەدى. ورىندالعان جۇمىستىڭ ناتيجەسىندە جاقىن ايماقتاعى دالانى زوندتاۋ تەحنولوگياسى ارقىلى الىنعان سۋرەتتەردى جانە ودان كەيىنگى بارلاۋ مارشرۋتتارى ايقىندالعاننان سوڭ، 500 م دەيىنگى تەرەڭدىككە ۇڭعىمالارىن سالۋ كوزدەلمەك.    

سول سەكىلدى اقتوبە وبلىسىنداعى حەرسون جانە ساناساپ سىندى جاڭا جوبالار بويىنشا دالالىق زەرتتەۋ جۇمىستارى باستالىپ، مىس-كولچەدان كوزى بار كەن ورىندارىن يگەرۋ جوسپارلانۋدا.

مامىر ايىندا جامبىل وبلىسىنىڭ تاقىر ۋچاسكەسىندە كارتالى بۇرعىلاۋدىڭ ۇلكەن كولەمدەگى جۇمىستارىن جۇرگىزۋ پىسىقتالىپ جاتىر. تاقىر كەن ايماعىندا التىن جəنە باسقا دا پايدالى مەتالل تۇرلەرىنىڭ وشاعى بار دەپ بولجانۋدا.

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار