وبلىستىڭ 66 ءبىلىم وشاعىندا سپورت زال جوق. قازىرگى تاڭدا 1127 دەنە شىنىقتىرۋ ءپانىنىڭ مۇعالىمى بار. مەكتەپ سپورت زالدارى قالاي جابدىقتالعان جانە اۋدانداردا فيتنەس-ورتالىقتارىنىڭ قۇرىلىسى قالاي جۇزەگە اسۋدا؟ كوكشەتاۋ قالاسىندا 25 مەكتەپ بار. 37 تيپتىك سپورت زال, ولاردىڭ 32-ءى وبلىس ورتالىعىندا بولسا 5-ءى قالا ماڭىنداعى مەكتەپتەردە. ماسەلەن, وبلىس ورتالىعىنداعى گۋمانيتارلىق-تەحنيكالىق ليتسەيىندە سپورت زال مۇلدەم جوق. جاس ورەندەر قىستا شاڭعى تەبۋ مەن ۇستەل ويىندارىنا, وزگە ۋاقىتتا جەڭىل اتلەتيكامەن عانا اينالىسا الادى. ساراپشىلاردىڭ ايتۋىنشا, سپورتقا قىزىققانداردىڭ سانى وسكەن سايىن, جەرگىلىكتى جاتتىعۋ الاڭدارىنا سۇرانىس جوعارى.
ايماقتا سپورت زالداردىڭ تاپشىلىعىنان بۇلاندى اۋدانىنداعى التىندى ورتا مەكتەبىندە جاڭا سپورت زالىنىڭ قۇرىلىسى باستالدى. ال, ەسكى عيمارات اپاتتى جاعدايدا. تسەلينوگراد اۋدانىندا ۇلكەن سپورت زالدارى بار 4 جاڭا مەكتەپ سالۋ جوسپارلانۋدا. ياعني, قوسشى مەن قوياندىدا – 1200 ورىندىق جانە ماكسيموۆكا مەن قاجىمۇقان ورتا مەكتەپتەرىندە 300 ورىنعا شاقتالعان ەكى مەكتەپ سالۋ كوزدەلگەن.
– وبلىس بويىنشا ارشالى اۋدانىنداعى يجەۆسك ورتا مەكتەبىنە قارجى ءبولىنىپ, جوندەۋ جۇمىستارى جۇرگىزىلۋدە. بۇلاندى اۋدانىندا ماكينسك قالاسىنداعى №3 ورتا مەكتەپتىڭ سپورت زالى اياقتالدى,–دەيدى وبلىستىق ءبىلىم باسقارماسى جانىنداعى وقۋ-ادىستەمەلىك ورتالىعىنىڭ ديرەكتورى امان ەرمۇحانوۆ.
ارشالى اۋدانىندا دا دەنە شىنىقتىرۋ-ساۋىقتىرۋ كەشەنىنىڭ قۇرىلىسى جاڭا باستالدى. ازىرگە وسىنداي قاداۋ-قاداۋ جۇمىستار جۇرگىزىلگەنىمەن, بۇل ماسەلەنىڭ قيىن ءتۇيىنىن شەشۋ كەلەر كۇندەردىڭ ەنشىسىندە قالىپ وتىر.
