ماڭعىستاۋ وبلىسىندا جول كارتانى ىسكە اسىرۋعا 34 ملرد تەڭگە قاراستىرىلىپ وتىر. جالپى العاندا 144 جوبا قامتىلادى جانە 8 495 جاڭا جۇمىس ورنىن قۇرۋعا مۇمكىندىك بەرەدى. ول جوبالاردى جۇزەگە اسىرۋ كەزىندە ۋاقىتشا جۇمىسپەن قامتۋدى عانا ەمەس, تۇراقتى جۇمىس ورىندارىن قۇرۋعا دا مۇمكىندىك بەرەدى.
جول كارتاسى كەلەسى جۇمىستار مەن نىساندار تۇرلەرى بويىنشا ينفراقۇرىلىمدىق جوبالاردى ىسكە اسىرۋدى قاراستىرادى:
- الەۋمەتتىك–مادەني نىساندارى – 63 جوبا (8,6 ملرد تەڭگە). بۇل جوبالاردا 2 829 جۇمىس ورنى قۇرىلادى جانە 1 387 ادامدى حالىقتى جۇمىسپەن قامتۋ ورتالىقتارى ارقىلى جۇمىسقا ورنالاستىرىلادى;
- تۇرعىن ءۇي-كوممۋنالدىق شارۋاشىلىق نىساندارى – 37 جوبا (13,2 ملرد تەڭگە). بۇل جوبالاردا 2 829 جۇمىس ورنى قۇرىلادى جانە 1 414 ادامدى حالىقتى جۇمىسپەن قامتۋ ورتالىقتارى ارقىلى جۇمىسقا ورنالاستىرىلادى;
- ينجەنەرلىك-كولىك ينفراقۇرىلىمى نىساندارى – 30 جوبا (7,5 ملرد تەڭگە). بۇل جوبالاردا 1 382 جۇمىس ورنى قۇرىلادى جانە 792 ادامدى حالىقتى جۇمىسپەن قامتۋ ورتالىقتارى ارقىلى جۇمىسقا ورنالاستىرىلادى;
- ەلدى مەكەندەردى اباتتاندىرۋ بويىنشا – 13 جوبا (4,6 ملرد تەڭگە). بۇل جوبالاردا 1 455 جۇمىس ورنى قۇرىلادى جانە 753 ادامدى حالىقتى جۇمىسپەن قامتۋ ورتالىقتارى ارقىلى جۇمىسقا ورنالاستىرىلادى.
جول كارتاسى شەڭبەرىندەگى جوبالارعا قاتىسۋ ءۇشىن ازاماتتار تۇرعىلىقتى جەرى بويىنشا حالىقتى جۇمىسپەن قامتۋ ورتالىقتارىنا جۇگىنۋلەرى قاجەت.
اقتاۋ قالاسىندا 49 جوبا, جاڭاوزەن قالاسىندا 19 جوبا, بەينەۋ اۋدانىندا 12 جوبا, قاراقيا اۋدانىندا 18 جوبا, ماڭعىستاۋ اۋدانىندا 17 جوبا, مۇنايلى اۋدانىندا 9 جوبا جانە تۇپقاراعان اۋدانىندا 20 جوبا ىسكە اسىرىلادى دەپ جوسپارلاندى.
بۇگىنگى كۇنى 144 جوبانىڭ 142 جوباسىنا مەملەكەتتىك ساتىپ الۋ كونكۋرسى جاريالانىپ, 130 جوبا بويىنشا كونكۋرستىق پروتسەدۋرالارى اياقتالدى.
- قازىرگى تاڭدا, 80 جوبا بويىنشا جۇمىستار جۇرگىزىلىپ باستادى. بۇل جوبالارعا بارلىعى 3587 ادام جۇمىسقا ورنالاستىرىلدى, ونىڭ ىشىندە 1346 ادام حالىقتى جۇمىسپەن قامتۋ ورتالىقتارى ارقىلى, دەيدى ج.دوسپولوۆا.
ماڭعىستاۋ وبلىسى
