اباي • 22 مامىر، 2020

اباي مۇراسىن كەڭىنەن ناسيحاتتاۋعا ارنالدى

80 رەتكورسەتىلدى

ەل پرەزيدەنتى قاسىم-جومارت توقاەۆ «اباي جانە ءححى عاسىرداعى قازاقستان» ماقالاسىندا «اباي مۇراسى – ءبىزدىڭ ۇلت بولىپ بىرلەسۋىمىزگە، ەل بولىپ دامۋىمىزعا جول اشاتىن قاستەرلى قۇندىلىق» دەي كەلە، «بيىلعى بايگەلەر اباي شىعارماشىلىعىنا ارنالادى» دەپ ايرىقشا اتاپ وتكەن بولاتىن. وسى ويدى قۋاتتاي وتىرىپ ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ  «ابايتانۋ جانە ۇلتتىق رۋحانيات» عىلىمي-زەرتتەۋ ورتالىعى اباي پوەزياسى بويىنشا ينستا-بايقاۋ جاريالاعان بولاتىن.

ەكى اي كولەمىندە ۇيىمداستىرىلعان «جاسىمدا عىلىم بار دەپ ەسكەرمەدىم» تاقىرىبىنداعى بايقاۋعا  ەلىمىزدىڭ ءار وڭىرلەرىنەن 16-30 جاس ارالىعىنداعى ولەڭسۇيەر قاۋىم قاتىستى.

اتالمىش بايقاۋ اباي شىعارمالارىن جۇرشىلىققا تانىتۋ، ناسيحاتتاۋ، جاستاردىڭ ءسوز ونەرىنە، ۇلتتىق رۋحانياتقا ىقىلاسىن ارتتىرۋ ماقساتىندا  وتكىزىلدى. اقىننىڭ عيبراتتى عۇمىرى مەن شىنايى شىعارماشىلىعىن ۇلت بولىپ بىرلەسۋىمىزگە، ەل بولىپ دامۋىمىزعا جول اشاتىن قاستەرلى قۇندىلىققا اينالدىرۋعا ۇلەس قوسۋ. سەبەبى ابايدىڭ وي-تۇجىرىمدارى ءالى كۇنگە وزەكتىلىگىن جويعان ەمەس. اباي شىعارماشىلىعى – ادامزاتقا ارنالعان رۋحاني ازىق. سول سەبەپتى بايقاۋدى ۇيىمداستىرۋداعى ماقسات، پرەزيدەنت ايتقانداي، «ابايدىڭ ويىنان دا، تويىنان دا تاعىلىم الۋ».

ءىس-شارانىڭ باستى مىندەتتەرى - جاستاردىڭ ساناسىندا ابايمەن ناسيحاتتالاتىن جوعارى ادامگەرشىلىك قۇندىلىقتاردى نىعايتۋ. بايقاۋ اياسىندا ستۋدەنتتەر فيلوسوفيالىق وي تولعاۋىن پوەزيامەن بىرىكتىرە وتىرىپ، ابايدىڭ اندەرى مەن ولەڭدەرىن ورىندادى.

بيىل قازاقتىڭ ۇلى اقىنى، فيلوسوف، گۋمانيست جانە قازاق كلاسسيكالىق ادەبيەتىنىڭ نەگىزىن قالاۋشى اباي قۇنانباەۆتىڭ تۋعانىنا 175 جىل تولادى. كورنەكتى اقىن-اعارتۋشىنىڭ بەينەسى تەك ادەبيەت سالاسىندا عانا ەمەس، مۋزىكا جانە بەينەلەۋ ونەرىندە دە ساقتالعان. بۇل مۇرا جاستاردى قازاق حالقىنىڭ رۋحاني قۇندىلىقتارىمەن تانىستىرۋدا ماڭىزدى ءرول اتقاردى.

قاتىسۋشىلارعا اقىن، «اقتوبە» گازەتىنىڭ  باس رەداكتورىنىڭ ورىنباسارى ەرتاي اشىقباەۆ،  اقىن، «اقتوبە» گازەتىنىڭ باس رەداكتورى  باۋىرجان باباجان ۇلى،  وقۋ ورداسىنىڭ عىلىم جانە يننوۆاتسيالار جونىندەگى پرورەكتورى راحىم بەكنازاروۆ، «ابايتانۋ جانە ۇلتتىق رۋحانيات» عىلىمي-زەرتتەۋ ورتالىعىنىڭ جەتەكشىسى  ابات پانگەرەەۆ،  عىلىم جانە يننوۆاتسيا دەپارتامەنتىنىڭ باسشىسى بەرىكحان يىسبەك جانە ۋنيۆەرسيتەتتىڭ  باس عىلىمي حاتشىسى ميرا بالتىموۆا تورەلىك ەتتى.

قازىلار القاسى قاتىسۋشىلاردى باعالاۋدا قازاقشا ساۋاتتى سويلەۋىن، ويىن جۇيەلى جەتكىزە ءبىلۋىن جانە اباي ءومىرى مەن شىعارماشىلىعى بويىنشا ءبىلىم دەڭگەيىن باستى نازارعا الدى.

سايىس سوڭىندا قازىلار القاسىنىڭ توراعاسى راحىم بەكنازاروۆ قاراشاڭىراقتا وسىنداي ونەگەلى شارا ءوز جالعاسىن تاۋىپ كەلە جاتقانىنا ريزاشىلىعىن ءبىلدىرىپ، مەملەكەتتىك ءتىلدى ەركىن يگەرگەن بۇگىنگى جاستار – ەرتەڭگى بىلىكتى مامان، تاۋەلسىز قازاق ەلىنىڭ جارقىن بولاشاعى ەكەندىگىن ايتتى. سونداي-اق ول بايقاۋ جەڭىمپازدارىن اتاپ ءوتتى.

ءبىرىنشى ورىن جانە 50 000 تەڭگە   گۇلبيبى سەيدالىگە (قىزىلوردا قالاسى) بۇيىردى. ەكىنشى ورىن جانە  25 000 تەڭگە نازگۇل سەمباەۆا (سەمەي قالاسى) مەن ايىم قارشىعاعا (قوستاناي وبلىسى، امانگەلدى اۋدانى) بەرىلسە، ءۇشىنشى ورىن جانە 10 000 تەڭگەنى  ايدا ساكەنوۆا (قاراعاندى قالاسى)، باۋىرجان جاقسىلىقوۆ (اقتوبە قالاسى)،  ايدانا اقسەيىلوۆا (اقتوبە قالاسى)  ەنشىلەدى.

ال، «كورەرمەن كوزايىمى» نوميناتسياسىندا ينستاگرام جەلىسىندە ەڭ كوپ ءلۇپىل جيناعان اقتوبە قالاسىنىڭ تۇرعىنى مەيرامگۇل ماراتبەكقىزىنا 10 000 تەڭگە اقشالاي سىيلىق  بۇيىردى. سونداي-اق، بايقاۋدا بەلسەندىلىك تانىتىپ، وزدەرىنىڭ شىعارماشىلىق قابىلەتتەرىن كورسەتكەن جاستارعا ۋنيۆەرسيتەت رەكتورى،  كورنەكتى ابايتانۋشى عالىم باۋىرجان ەردەمبەكوۆتىڭ  «ابايتانۋ» كىتابى سىيعا بەرىلدى.

«جاسىمدا عىلىم بار دەپ ەسكەرمەدىم» پوەزيا بايقاۋى قاتىسۋشى جاستارعا جالپىادامزاتتىق قۇندىلىقتاردىڭ ماڭىزدىلىعىن كورسەتتى.

1

 

اقتوبە

سوڭعى جاڭالىقتار

مارقاكولدە كۇزەت كۇشەيتىلدى

ايماقتار • بۇگىن، 10:41

پورترەت (ۇشتاعان)

ادەبيەت • بۇگىن، 08:51

ءار ادام – جەردىڭ تۇتىنۋشىسى

ەكولوگيا • بۇگىن، 08:48

وسىنداي ەلىم بار!

پىكىر • بۇگىن، 08:42

ءار ەلدىڭ ءوز دامۋ جولى بولادى

ساياسات • بۇگىن، 08:40

بايلامى بەكەم ءباتۋالى ءسوز

ساياسات • بۇگىن، 08:37

كەي وڭىردە ۆيرۋس ءورشي ءتۇستى

كوروناۆيرۋس • بۇگىن، 08:24

«مەنىڭ تۋىم» اكتسياسى ءوتتى

ايماقتار • بۇگىن، 08:09

ەلىمىزدىڭ باستى قۇندىلىقتارى

ساياسات • بۇگىن، 08:06

شارالار قاتاڭ ساقتالۋى ءتيىس

تەننيس • بۇگىن، 08:04

«بارىس» – ۇزدىكتەر قاتارىندا

حوككەي • بۇگىن، 08:03

ۇشتى، ۇشتى، شاتىر ۇشتى!..

قوعام • بۇگىن، 07:56

الماتىدا اقىن كوپ...

ادەبيەت • بۇگىن، 07:44

«اقبىلەك». جان جاراسى...

ادەبيەت • بۇگىن، 07:42

شۇعىلا-نۇردى بەتكە الىپ...

رۋحانيات • بۇگىن، 07:38

ابايعا ارنالعان ءمۇشايرا

اباي • بۇگىن، 07:36

سالعىرتتىق سان سوقتىرماسىن

قوعام • بۇگىن، 07:10

كوش باسىندا – مەيۆەزەر

كاسىپقوي بوكس • بۇگىن، 07:10

ۇقساس جاڭالىقتار