يگى ءداستۇر بويىنشا وبلىستىق پوليتسيا دەپارتامەنتىنىڭ وكىلدەرى اۋدانعا ارنايى بارىپ, جەتكىنشەكتەرگە سپورت جابدىقتارىن تارتۋ ەتتى. بازارى تارقاماعان بالالىق شاقتىڭ ءبىر نىشانى – فۋتبول. بالالاردىڭ فۋتبولمەن اينالىسۋىنا وبلىستىق پوليتسيا دەپارتامەنتى دە ۇزاق جىلدار بويى مۇمكىندىك تۋعىزىپ كەلەدى. پوليتسەيلەر بالعىندارمەن تىكەلەي جۇزدەسىپ, اڭگىمەگە تارتا العان جوق. نىسان كارانتين تالاپتارىن ساقتاۋدا.
– مەكتەپ ديرەكتورىمەن حابارلاسىپ وقۋشىلاردىڭ شاعىن فۋتبولعا قىزىعۋشىلىعى جوعارى ەكەنىن بىلدىك. ەكى كوماندا قۇرىلىپتى. ءبىزدىڭ ارىپتەستەر ولارعا سپورتتىق فورما مەن فۋتبول دوپتارىن سىيلادى. وسىلايشا, ءبىز پوليتسيا قىزمەتكەرلەرىنىڭ سالاۋاتتى ءومىر سالتىن ۇستانۋ ەستافەتاسىن وسى مەكتەپ-ينتەرنات بالالارىنا جولدايمىز,–دەيدى «دينامو» دەنە شىنىقتىرۋ-سپورت ۇيىمى توراعاسىنىڭ ورىنباسارى ۆيكتور بۋكرەەۆ.
–بالاباقشا-مەكتەپ-ينتەرناتىنىڭ تاربيەلەنۋشىلەرى اتىنان وبلىستىق پوليتسيا دەپارتامەنتىنە, «دينامو» سپورت كلۋبىنا العىس بىلدىرەمىن. قازىرگى كارانتين ۋاقىتىندا ءبىزدىڭ مەكەمە ساقتىق تالاپتارىن ورىنداپ, سىرتقى ورتامەن بايلانىسىن شەكتەپ وتىر. وسىنداي كەزەڭدە ءبىزدى ۇمىتپاي, قولداۋ كورسەتكەن پوليتسەيلەر, ولاردىڭ ابىرويلى قىزمەتى تاربيەلەنۋشىلەرىمىزگە ۇلگى, - دەيدى ۋريۋپينكا بالاباقشا-مەكتەپ-ينتەرنات ارنايى كەشەنىنىڭ ديرەكتورى يۋليا الداجاروۆا.
مەكتەپ-ينتەرناتتا 86 بالا ءتالىم الادى. مەملەكەت قامقورلىعىنىڭ ارقاسىندا بارلىق بالالار زامان تالابىنا ساي ءتالىمدى تاربيە, بەرىك ءبىلىم الۋدا.
اقمولا وبلىسى
