كارانتين رەجيمىنىڭ ەرەجەلەرىنە سايكەس وتكىزىلگەن بۇل راسىمدەرگە ەڭ ۇزدىك جاۋىنگەرلەر عانا قاتىستى.
- قىزمەت بارىسىندا ءبىز كوپ نارسەنى ۇيرەنىپ, كوپ جاعدايلاردى باستان وتكەردىك. ءبىز بارلىق كومانديرلەرىمىزگە ولاردىڭ ادال قىزمەتتەرى مەن مەن بەرگەن بىلىمدەرى ءۇشىن العىس ايتامىز. ەلىمىز ءۇشىن قيىن كەزدەردە ءبىزدىڭ دەنساۋلىعىمىزعا, امان-ەسەن ۇيگە ورالۋعا قامقورلىق جاساعاندارى ءۇشىن ريزاشىلعىمىزدى بىلدىرەمىز, - دەدى قاتارداعى جاۋىنگەر داۋلەت ەرماحان.
ءبىر جىل ىشىندە اسكەري قىزمەتشىلەر اسكەري ماماندىقتارىن يگەردى, جاۋىنگەرلىك دايىندىقتا ايتارلىقتاي ناتيجەلەرگە قول جەتكىزدى. ولار تاجىريبە جۇزىندە جاۋىنگەرلىك دايارلىقتىڭ تولىق تسيكلىن يگەرىپ, ءارتۇرلى دەڭگەيدەگى اسكەري وقۋ-جاتتىعۋلاردا وزدەرىن جاقسى كورسەتە ءبىلدى.
قىزمەتتىك مىندەتتەرىن ادال ورىنداپ, جوعارى اسكەري ءتارتىبى مەن جاۋىنگەرلىك جانە دەنە شىنىقتىرۋ دايىندىقتاعى ۇزدىك كورسەتكىشتەرى ءۇشىن ساربازدار العىس حاتتارمەن جانە سىيلىقتارمەن ماراپاتتالدى. بىرقاتار اسكەري قىزمەتشىگە مەرزىمدى اسكەري اتاقتارى بەرىلدى.
«باتىس» وڭىرلىك قولباسشىلىعىنىڭ 1000 مەرزىمدى اسكەري قىزمەتشىسىنىڭ 900-دەن استامى ۇيلەرىنە جونەلتىلدى.
