اتاپ ايتساق, رەسپۋبليكالىق ماڭىزداعى كولىك جولدارى 363 رەت تەكسەرىلىپ, 1058 سىناما الىندى. ماماندارىمىز جەرگىلىكتى ماڭىزداعى تراسسالارعا 115 رەت باقىلاۋ جۇرگىزىپ, 636 سىنامالاردى الدى. سونىمەن قاتار, قالاىشىلىك جولدار 12 رەت تەكسەرىلىپ, باس-اياعى 14 سىناما الىندى.
تەكسەرۋ جۇمىستارىنىڭ ناتيجەسى بويىنشا, الىنعان سىنامالاردىڭ 449-ى قر مەملەكەتتىك ستاندارتىنا سايكەس كەلمەيتىندىگى انىقتالدى. ونىڭ ىشىندە رەسپۋبليكالىق ماڭىزداعى كولىك جولدارىنان الىنعان 223 سىناما, جەرگىلىكتى ماڭىزداعى تراسسالاردان الىنعان 212 سىناما, قالاىشىلىك جولداردان الىنعان 14 سىنامانىڭ ساپاسى تالاپقا ساي ەمەس. بۇدان بولەك, جولداردا جاسالعان جۇمىستاردان 246 اقاۋ تابىلدى. ونىڭ 181 رەسپۋبليكالىق, 65-ءى جەرگىلىكتى ماڭىزعا يە اۆتوموبوبيل جولدارىنان انىقتالىپ وتىر.
باقىلاۋ-تەكسەرۋ جۇمىستارى جۇرگىزىلگەن قازىرگى ۋاقىتتا قايتا جاڭارتۋ جۇمىستارى ءجۇرىپ جاتقان «بەينەۋ-اقجىگىت-وزبەكستان رەسپۋبليكاسىنىڭ شەكاراسى» باعىتىنداعى جولدىڭ 0-63 جانە 63-85 شاقىرىمىنان الىنعان سىنامالاردىڭ دەنى تالاپقا سايكەس كەلمەيدى. ال «جەتىباي-جاڭاوزەن-كەندىرلى-تۇرىكمەنستان رەسپۋبليكاسىنىڭ شەكاراسى» باعىتىنداعى تراسسانىڭ 0-35 شاقىرىمىنان الىنعان سىنامالار ناتيجەسى دۇرىس بولىپ شىقتى. الايدا وسى جولدىڭ 35-73 شاقىرىمىندا جۇرگەن تەكسەرۋلەر قورىتىندىسىن 8 كەمشىلىك تابىلدى.
انىقتالعان اقاۋلىقتار مەن تالاپقا سايكەس كەلمەيتىن كەمشىلىكتەردى تۇزەۋ ءۇشىن جول سالۋشى مەردىگەر كومپانيالارعا, ولارعا تاپسىرىس بەرۋشى مەكەمە-كاسىپورىندارعا قىزمەتتىك حات جولداندى.
