ايماقتار • 20 مامىر، 2020

اقمولادا كوممۋنالدىق قىزمەت اقىسىنا جەڭىلدىك بار

22 رەت كورسەتىلدى

كوممۋنالدىق قىزمەت تۇرلەرىنىڭ تاريفتەرى توتەنشە جاعداي كەزىندە 10 پروتسەنتكە تومەندەتىلدى. حالىققا قامقورلىق جاساۋدى مەملەكەت باسشىسى قاسىم-جومارت توقاەۆ تاپسىرعان بولاتىن.

توتەنشە جاعداي كەزىندە كوكشەتاۋ قالاسى بويىنشا تاريفتەر ايتارلىقتاي تومەندەتىلدى. سايكەسىنشە،  تۇرعىنداردىڭ  كوممۋنالدىق قىزمەت تۇرلەرىنە  قارىزى بولسا،  اجىراتۋعا تىيىم سالىندى. ايتا كەتۋ كەرەك، بۇل جەڭىلدىك اياسىندا كاسىپكەرلىك سۋبەكتىلەرىنىڭ مۇددەلەرى قورعالعان جوق. تەك بيۋدجەتتىك ۇيىم وكىلدەرىنە عانا جاسالعان ۋاقىتشا شارا. وسىنداي شارالاردىڭ ارقاسىندا قازاقستاندىقتار ءبىر اي ىشىندە كوممۋنالدىق قىزمەتتەردى تولەۋ كەزىندە شامامەن 950 ميلليون تەڭگەنى ۇنەمدەدى دەيدى ماماندار. ماسەلەن، جىلۋمەن جابدىقتاۋ قىزمەتتەرىنىڭ ءتاريفى 1907،05 تەڭگەدەن 1716،35 تەڭگەگە دەيىن تومەندەگەن. 

–سونداي-اق جاۋاپتى مەكەمەلەرگە توتەنشە جاعداي كەزىندە تۇتىنۋشىلاردى قارىزدارى ءۇشىن كوممۋنالدىق قىزمەتتەن  اجىراتپاۋ تۋرالى حات تا جىبەرىلدى.   بۇل تۇرعىندارعا  ءساۋىر ايىندا 72،1 ملن تەڭگە ۇنەمدەۋگە مۇمكىندىك بەردى. تابيعي مونوپوليالاردى رەتتەۋ كوميتەتى توراعاسىنىڭ تاپسىرماسى بويىنشا  تابيعي مونوپوليا سۋبەكتىلەرىنە 2020 جىلدىڭ 1-ءىنشى مامىرىنا دەيىن تاپسىرىلاتىن ەسەپتەرىنىڭ مەرزىمى ءبىر ايعا شەگەرىلدى. سونداي-اق، توتەنشە جاعداي كەزىندە زارداپ شەكككەن ياعني، قارىزدانىپ قالعان كاسىپكەرلەردىڭ ماسەلەسىن جەرگىلىكتى كاسىپكەرلەر پالاتاسىمەن بىرلەسە وتىرىپ جەكە قاراستىراتىن بولامىز، دەيدى وبلىستىق تابيعي مونوپوليالاردى رەتتەۋ جانە باسەكەلەستىكتى قورعاۋ دەپارتامەنتىنىڭ جەتەكشىسى نۇرلان  جالعاسپاەۆ.

قالا حالقى دا قامقورلىققا ءدان رازى.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار