اۋدان ورتالىعىندا وسىنداي سپورت كەشەنىنىڭ جابىق عيماراتى العاش رەت بوي كوتەرۋدە. بۇل كەشەندە ۇستەل ويىندارىنا ارنالعان كابينەت, باسسەين زالدارى ورنالاسادى. فۋتبول, ۆولەيبول مەن باسكەتبول ويىندارىنا ارنالعان امبەباپ الاڭدار دا بولادى. نىساننىڭ جالپى اۋماعى 2500 شارشى مەتر. قۇرىلىس جۇمىستارىنا وبلىستىق قازىنادان وتكەن جىلى 120 ملن تەڭگە بولىنسە, بيىل تاعى دا 330 ملن تەڭگە قاراستىرىلعان.
–قۇرىلىس جۇمىستارى وتكەن جىلى باستالدى. كەشەن ەكى بلوكتان تۇرادى. ءبىرىنشى قاباتتا باسسەين بولسا, ەكىنشى قاباتتا جاتتىعۋ جانە ساۋىقتىرۋ زالدارى ورنالاستىرىلادى, دەيدى اۋداندىق ساۋلەت جانە قۇرىلىس ءبولىمىنىڭ جەتەكشىسى باحتيار مۇستافين.
سپورتتىق كەشەندە سپورتشىلاردىڭ جاتتىعۋى ءۇشىن بارلىق جاعداي جاسالماق. ياعني, بارلىق زاماناۋي قوندىرعىلار قويىلادى. بۇگىندە قۇرىلىستىڭ 70 پروتسەنتى اياقتالعان. جاڭا كەشەننىڭ دە ءوڭىر سپورتىنىڭ وركەندەۋىنە وزىندىك ۇلەسىن تيگىزەرىنە سەنىم مول.
اقمولا وبلىسى
