كوكشەتاۋ تەحنيكالىق ينستيتۋتتىڭ اعا عىلىمي قىزمەتكەرى ساپارعالي اسىلبەكوۆ مۇراجايدىڭ قۇرىلۋىنا, ونىڭ ودان ءارى دامىپ, جەتىلۋىنە سۇبەلى ۇلەس قوسقان جان. ول مۇراجاي قابىرعاسىن 1973 جىلدان بەرى ينتيتۋتتىڭ ىرگەتاسىن قالاعان ارداگەرلەردىڭ فوتوسۋرەتتەرىمەن تولىقتىرۋدى ءجون كورگەن.
– ەكىنشى جادىگەرىمىز – 50-ءشى جىلدارعا دەيىن قولدانىستا بولعان دۇنيە. سوناۋ 1940 جىلدارى تەك سونداي ناسوستى پايدالانعان. 4 كىسىنىڭ كۇشىمەنەن سۇيرەپ الىپ جۇرەتىن, اربامەن, اتپەن الىپ جۇرەتىن ناسوس, سونى الىپ كەلىپ, جوندەۋدەن وتكىزگەننەن كەيىن, سىرلاپ, ادەمىلەگەننەن كەيىن وسى مۇراجايىمىزعا ورنالاستىرىلدى. ناعىز قۇندى جادىگەر سول بولىپ تۇر,–دەيدى كوكشەتاۋ تەحنيكالىق ينستيتۋتىنىڭ اعا عىلىمي قىزمەتكەرى ساپارعالي اسىلبەكوۆ.
مۇراجايدا 70-ءشى جىلدارى قۇتقارۋشىلاردى دايىنداعان ۋاقىتتا قولدانىلعان ءورت سوندىرەتىن موتوپومپالاردا ورنالاستىرىلعان. كەزىندە وقۋ قۇرالى رەتىندە پايدالانىلعان بۇل جادىگەرلەردى كوكشەتاۋ تەحنيكالىق ينتيتۋتىنداعى مۇراجايدان باسقا ەش جەردە كەزىكتىرە المايسىز.
– ەندى تاعى ءبىر جادىگەرىمىز يندۋكتسيالىق تەلەفون. قولمەن بۇراپ, توق بەرىپ, سوسىن بارىپ سىممەن جالعاپ, بىرنەشە ءجۇز مەترگە دەيىن سىم تارتىپ, سونداي عانا بايلانىسقا شىعاتىن تەلەفون بولعان. سول تەلەفوننىڭ بىرەۋىن توتەنشە جاعدايلار دەپارتامەنتىنىڭ قويماسىنان تابىلىپ, بىزگە تاپسىردى,– دەيدى كوكشەتاۋ تەحنيكالىق ينستيتۋتىنىڭ اعا عىلىمي قىزمەتكەرى ساپارعالي اسىلبەكوۆ.
سول سياقتى, 60-شى جىلدارى ءورت سوندىرۋشىلەر قولدانعان كاسكا دا مۇراجاي قابىرعاسىنان ورىن تاپقان.
