استانادا 1319 ۋنيۆەرسيتەت ءبىتىرۋشى ستۋدەنت وقۋ اقىسىن تولەي الماي وتىر.
«بۇل ماسەلەنى شەشۋ ءۇشىن جوو باسشىلارىمەن بىرلەسە, وقۋ اقىسىن تولەي الماعان 4 كۋرس ستۋدەنتتەرىنىڭ تولەم مەرزىمدەرىن ماۋسىم ايىنا دەيىن ۇزارتۋعا كەلىستىك», - دەدى نۇر-سۇلتان قالاسىنىڭ جاستار ساياساتى ماسەلەلەرى باسقارماسىنىڭ باسشىسى داۋلەت كارىبەك.
ونىڭ ايتۋىنشا, ۋنيۆەرسيتەتتەر الەۋمەتتىك جاعدايى تومەن ستۋدەنتتەرگە جەڭىلدىكتەر جاسايتىن بولدى. مىسالى, ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى 114 ستۋدەنتكە جەڭىلدىك بەرىلەدى. تەحنولوگيا جانە بيزنەس ۋنيۆەرسيتەتى 72, قازگزۋ – 29 جانە «تۇران-استانا» ۋنيۆەرسيتەتى 15 ستۋدەنتكە جەڭىلدىك جاساعان.
بۇعان قوسا, ەلوردالىق جاستار ساياساتى ماسەلەلەرى باسقارماسى شەت ەلدە ءبىلىم الاتىن (ۆارشاۆا - 85, ماسكەۋ - 149) 234 ستۋدەنتتى نۇر-سۇلتان قالاسىنا كۇتىپ الۋ, ولاردى قوناق ۇيلەرگە جايعاستىرۋ جانە باسقا وڭىرلەرگە جونەلتۋ جۇمىستارىن جۇرگىزدى.
سونىمەن قاتار باسقارما قازاقستاننىڭ وزگە ايماقتارىنا شەت ەلدەردەن (كيپر-1, رەسەي-37, بولگاريا-2, پولشا-42 , نيدەرلاندى-16, تايلاند-4 جانە بىرىككەن اراب امىرلىكتەرىنەن-14) ۇشىپ كەلگەن 116 ستۋدەنتتى ەلورداعا ارنايى اۆتوكولىكتەرمەن الىپ كەلۋدى ۇيىمداستىردى. ەسكە سالا كەتەيىك, باسقارما ەلوردانىڭ ۆولونتەرلىك شتابىنىڭ جۇمىسىن ۇيلەستىرىپ وتىر. قازىرگى تاڭدا, بەلسەندى 1300 ۆولونتەر كوروناۆيرۋسقا قارسى كۇرەسكە ءوز ۇلەستەرىن قوسۋدا. ەرىكتىلەر از قامتىلعان وتباسىلارعا ازىق-ت ۇلىك جەتكىزىپ, بلوكپوستتاردا جۇمىسقا استالىسىپ ءجۇر. قالالىق ۆولونتەرلار شتابى 15 ناۋرىزدان باستاپ بۇگىنگە دەيىن «Birgemiz» قورىمەن بىرگە, قالامىزدا 2 ملن مەديتسينالىق ماسكا تاراتتى.
