ايماقتار • 15 مامىر، 2020

اقمولادا مۇقتاج جاندار باسپانالى بولدى

10 رەت كورسەتىلدى

شالعايداعى جارقايىڭ اۋدانىندا 486 وتباسى باسپانا الۋ كەزەگىندە تۇر. جىل سوڭىنا دەيىن 60 وتباسى كوپتەن كۇتكەن پاتەرلەرىنە قول جەتكىزبەك.

نادەجدا  لوجكينا وتكەن جىلى قونىس تويىن تويلاعان. بۇل ونىڭ العاشقى جەكە باسپاناسى. قۋانىشىندا شەك جوق. ايتۋىنشا ۇزاق جىل پاتەردەن پاتەرگە كوشىپ، كوپ قيىندىق كورگەن. 2013 جىلدان بەرى باسپانا كەزەگىندە تۇرعان. ەكى بالانىڭ اناسى باستاۋىش سىنىپتىڭ مۇعالىمى ەكەن. بىلتىر پاتەر كىلتىن تابىستاعان كەزدەگى باقىتتى ءساتى جادىندا وشپەستەي بولىپ جاتتالىپ قالىپتى.    

–ماعان جاڭا سالىنعان ۇيدەن پاتەر بەرىلدى. كوپتەن كۇتكەن باسپانامىز. پاتەرىمىز جاپ-جارىق. قىستا جىلى. جاستارعا ارنالعان وسىنداي باعدارلامانىڭ باياندىلىعىنا قۋانامىن،–دەيدى اۋدان ورتالىعى دەرجاۆينسك قالاسىنىڭ تۇرعىنى نادەجدا لوجكينا.

بيۋدجەتتىك مەكەمەلەردىڭ نادەجدا سىندى تاعى 25  قىزمەتكەرى باسپانالى بولدى.  سونداي-اق، كوپبالالى 13 وتباسى مەن 12 جەتىم بالا وتكەن جىلى قونىس تويىن تويلادى.   

–اۋداندا  مەملەكەتتىك تۇرعىن ءۇي قورىنان باسپانا الۋعا 486 ادام كەزەكتە تۇر. ولاردىڭ ىشىندەگى 95-ءى جەتىم جانە اتا-اناسىنىڭ قامقورلىعىنان ايىرىلعان بالالار، 142-ءسى حالىقتىڭ الەۋمەتتىك وسال توبى، مەملەكەتتىك جانە بيۋدجەتتىك ۇيىمداردىڭ 248 قىزمەتكەرى،–دەيدى اۋداندىق تۇرعىن ءۇي-كوممۋنالدىق ءبولىمىنىڭ باس مامانى ءاسيا حايرۋللينا.

اۋداندا قۇرىلىس قارقىنى بيىل دا باسەڭدەمەيدى. قاراشا ايىندا 60 پاتەرلى تۇرعىن ءۇي تاپسىرىلادى دەپ كۇتىلۋدە. قۇرىلىس «نۇرلى جەر» باعدارلاماسى اياسىندا جۇزەگە اسىرىلماق.

 

 

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار