ءجۇزۋ ورتالىعىنىڭ جۇمىسى كارانتين جاريالانعان كۇننەن-اق توقتادى. ەكى ايدان بەرى ۇجىم جاتتىعۋعا كەلەتىن بالعىندار مەن سۇيىكتى ىستەرىن تاعاتسىزدانا كۇتۋگە ءماجبۇر بولدى. بۇدان بولەك, كوممۋنالدىق قىزمەت پەن جالداۋ اقىسى, جاتتىقتىرۋشىلاردىڭ جالاقىسى تاعى بار. اكۆا جاتتىعۋلاردى ۇيدە وتىرىپ, ونلاين تۇرىندە ورىنداۋعا استە مۇمكىندىك جوق.
–ينستاگرامم جەلىسى جارىلۋعا شاق قالدى. جاتتىقتىرۋشىلار جۇمىسقا كىرىسۋگە ءازىر. جۇمىستى بىرتىندەپ باستاۋ ءۇشىن كەزەڭ-كەزەڭگە ءبولىپ تاستادىق. العاشىندا باسسەيندە ءبىر جاتتىقتىرۋشى جانە ەكى بالا بولادى. بالا سانى بۇدان اسپايدى. ەگەر نىساننىڭ جالداۋ قۇنىن قىمباتتاتپاسا, جاتتىعۋ باعاسى سول كۇيىندە قالادى,–دەيدى جاتتىقتىرۋشى دينا ۋسينا.
ءادىل اباي جۇزۋدەن جاتتىقتىرۋشى. ول بەس جاسقا دەيىنگى بالالاردى جاتتىقتىرادى. كارانتين كەزىندە بالالارمەن تەلەفون ارقىلى ۇنەمى بايلانىستا بولدى.
–جاتتىعۋدى بىرتىندەپ قايتا باستايمىز. اتا-انالاردىڭ كەيبىرى كارانتيننىڭ تولىق اياقتالعانىن كۇتىپ وتىر,–دەيدى جاتتىقتىرۋشى ءادىل اباي.
رەگينا كنيازيۋك فيتنەس-كلۋب جابىلعاننان كەيىن ينستاگرامم جەلىسىندە جابىق اككاۋنت اشىپ, جۇمىسىن ۇيىمداستىردى. بيزنەسى تابىس اكەلمەگەنىمەن, كارانتين اياقتالعاننان كەيىن دە قىزمەت اقىسىن قىمباتتاتپايمىن,–دەيدى ول,–مەن قىزمەتىمدى ءتىپتى بۇگىننەن باستاپ تا اشۋعا ءازىرمىن. ەندى شەشىمدى كۇتىپ وتىرمىز,–دەيدى فيتنەس نۇسقاۋشىسى رەگينا كنيازيۋك.
وبلىستاعى باس سانيتارلىق دارىگەردىڭ قاۋلىسىنا سايكەس مەكتەپكە دەيىنگى بالالارعا ارنالعان ۇيىرمەلەر جۇمىسىنا ازىرگە رۇقسات جوق. سونداي-اق ءتۇرلى سايىستار ۇيىمداستىرۋعا دا تىيىم سالىنعان. كارانتين كەزىندە ايماقتا 32 ءدارىس, 800-دەن استام شارا ونلاين تۇردە وتكىزىلگەن بولاتىن.
