وبلىستا جالپى ءبىلىم بەرەتىن 556 مەكتەپ, مەكتەپكە دەيىنگى 224 ۇيىم جانە 33 كوللەدج جۇمىس ىستەيدى. بيىل داعدارىسقا قارسى جوسپار اياسىندا «جۇمىسپەن قامتۋدىڭ جول كارتاسى-2020» باعدارلاماسى ىسكە قوسىلدى. وسى باعدارلاما اياسىندا 102 ءبىلىم بەرۋ مەكەمەسى جوندەلەدى.
– بۇل جۇمىستارعا شامامەن 8,8 ميلليارد تەڭگە ءبولىندى. بۇگىنگى تاڭدا 94 نىساندا كەلىسىم-شارت جاسالدى. ال قالعان ءبىلىم وشاقتارى كونكۋرستىق راسىمدەر جۇرگىزىلىپ جاتىر. بۇگىنگى كۇنى 30 نىساندا جۇمىس باستالدى. ءبىر نىساندا جوندەۋ جۇمىسى اياقتالدى, – دەيدى وبلىستىق ءبىلىم باسقارماسىنىڭ جەتەكشىسى بەيبىت ءجۇسىپوۆ.
اياقتالعان نىسانداردىڭ ءبىرى – جاقسى اۋدانىندا. سونداي-اق «اۋىل – ەل بەسىگى» باعدارلاماسى اياسىندا 1,2 ميلليارد تەڭگە بولىنگەن. بۇل قاراجات وبلىستىڭ بەس اۋدانىنداعى جەتى مەكەمەنى كۇردەلى جانە اعىمداعى جوندەۋگە باعىتتالعان. بۇدان باسقا وبلىس ورتالىعىندا ءۇش مەكتەپكە جاپسارلانعان قۇرىلىس سالۋ جۇمىستارى دا جالعاسۋدا.
№13 مەكتەپ-گيمزانيادا باستالعان قوسىمشا قۇرىلىس جۇمىستارى قاراشا ايىندا اياقتالادى دەپ كۇتىلۋدە. وسىلايشا وبلىستاعى ءبىلىم وشاقتارى جاڭا وقۋ جىلىنا دەيىن اجارلانىپ قالماق.
