جاڭا وقۋ كورپۋسى پايدالانۋعا بەرىلدى

قۇدايبەرگەن جۇبانوۆ اتىن­داعى اقتوبە مەملەكەتتىك ۋني­ۆەرسيتەتىندە كوپتەگەن مامان­دىق­تار بويىنشا ماماندار دايار­لانىپ شىعۋدا. جىل وتكەن سايىن جاڭا ماماندىقتارعا وقى­تاتىن فاكۋلتەتتەر اشىلىپ, ستۋ­دەنتتەر سانى ارتۋىنا باي­لانىستى ۋنيۆەرسيتەت باسشى­لى­عى وقۋ ورنىنىڭ ماتەريالدىق-تەحنيكالىق بازاسىن كەڭەيتۋدى ۇدايى نازاردا ۇستاپ كەلەدى. جاقىندا وسى وقۋ ورنى تاعى ءبىر وقۋ كورپۋسىمەن تولىقتى. وقۋ ورنىنىڭ جاڭا نىسا­نىن­دا ەندى فيزيكا-ماتەماتيكا جانە جاراتىلىستانۋ فاكۋل­تەت­تەرىنىڭ ستۋدەنتتەرى ءبىلىم الاتىن بولدى. جاڭا عيماراتتىڭ تۇساۋ­كە­سەرىنە قاتىسقان اقتوبە قالا­سىنىڭ اكىمى ارحيمەد مۇحام­بەتوۆ وسى جوعارى وقۋ ورنىنىڭ ستۋدەنتتەرگە ساپالى ءبىلىم بەرۋ مۇمكىندىگى مول ەكەنىن ايتىپ ءوتتى. ال ۋنيۆەرسيتەت رەكتورى كەن­جەعالي كەنجەباەۆ ءوز كەزە­گىندە تەحنيكالىق كومەگى ءۇشىن قالالىق اكىمدىككە ريزاشى­لى­عىن ءبىلدىردى. جاڭا وقۋ كورپۋسىندا 25 اۋديتوريا, ينتەرنەت جەلىسىنە قوسىلعان 6 سىنىپ ينتەراكتيۆتى تاقتامەن جابدىقتالعان ارقاي­سى­سى 120 ورىندىق ەكى زال بار. بۇل قۇرىلىسقا ۋنيۆەرسيتەت 200 ميلليون تەڭگەدەن استام ءوز قارجىسىن جۇمسادى ساتىبالدى ءساۋىرباي. اقتوبە وبلىسى. ...ەكى بالاباقشا اشىلدى قاراعاندىداعى №59 جانە №83 مەكتەپتەر جانىنان قۇ­رىل­عان بالاباقشالارعا 3-5 جاس ارا­لىعىنداعى 100 جەتكىنشەك قا­بىل­داندى. ەكى تىلدە جۇرگىزىلەتىن تانىمدىق ساباقتاردا ولار تاڭ­ەر­تەڭنەن كەشكە دەيىن تاربيەشى پە­داگوگتار قامقورلىعىندا بو­لىپ, ءارىپ تانيدى, بي, ءان ءۇي­رەنەدى. قازىر 6 جاسقا دەيىنگى ءبۇلدىر­شىن­دەردىڭ قالا بويىنشا بالا­باق­شالارعا قامتىلۋى 69 پايىز­دى قۇرايدى. 6 مىڭنان استام اتا-انا كەزەكتە تۇر. الداعى ءبىر-ەكى جىلدا بالالاردى تاربيەگە الۋ ورىندارىنا بەرۋدى تولىقتاي قامتاماسىز ەتۋ مىندەتى قويىلىپ وتىر. ءساۋىر, مامىر ايلارىندا قالاداعى مايقۇدىق, ەسكى اۋە­جاي بولىكتەرىندەگى جانە سۇرىپ­تاۋ ستانساسىنداعى №40, №46, №91 مەكتەپتەرى جانىنان وسكىن­دەرگە ارنالعان شاعىن ورتا­لىق­تار اشىلادى. ايقىن نەسىپباي. قاراعاندى. ...تەلەباعدارلاما كوڭىلدەن شىقتى ەلىمىزدەگى سوت جۇيەسىن رە­فور­مالاۋ قادامدارى حالىقتىڭ مۇددەسىن قورعاۋعا باعىتتالعان. مۇندا ەشقانداي دا الالاۋ مەن اداقتاۋعا, بۇرمالاۋ مەن ءبۇر­كە­مە­لەۋگە جول بەرىلمەيدى. ياعني, ادام تاعدىرىن شەشۋدەگى ادال­دىق, اشىقتىق, بيىك جاۋاپ­كەر­شىلىك قاتاڭ سۇرالادى. وسى ماقساتتا وبلىستىق سوت جاڭا باستاما كوتەرىپ, اقمولا تە­لەديدارىنان ء“ادىل سوت پايى­مى” جانە “لوگيكا پراۆوسۋديا” باعدارلامالارىن ەفيرگە شى­عار­دى. ول اپتاسىنا ءتورت رەت قاي­تالانىپ شىعىپ تۇرادى. – جاڭا جوبادا سۋديانىڭ ۇكىم نە شەشىم شىعارارداعى ءىس-ارەكەتى, سۇيەنەتىن دايەكتەرى مەن زاڭناما نورمالارى تۋرالى تو­لىق اقپارات جانە تۇسىنىك بە­رى­لە­دى, – دەدى اقمولا وبلىستىق سو­تىنىڭ توراعاسى اقجان ەش­تاي. بۇل, بىرىنشىدەن, جۇرتشى­لىقتى سوت تورەلىگىنىڭ قالاي جۇزەگە اساتىنىنان حاباردار ەتسە, ەكىنشىدەن, جاۋاپكەرشىلىكتى كۇشەيتۋ ارقىلى ءوزارا سەنىم مەن قۇرمەتتى قالىپتاستىرادى. باقبەرگەن امالبەك. اقمولا وبلىسى.