ارداگەرگە ەلۋباي ءابىلوۆ «Nur Otan» پارتياسى توراعاسىنىڭ ءبىرىنشى ورىنباسارى باۋىرجان بايبەكتىڭ اتىنان قۇتتىقتاۋ اشىق حاتىن تابىستادى. اشىق حاتتا ء«سىزدى ۇلى جەڭىستىڭ 75 جىلدىق مەرەيتويىمەن شىن جۇرەكتەن قۇتتىقتايمىن! ادامزات بالاسىنا زور قاسىرەت اكەلگەن سۇراپىل سوعىسقا تويتارىس بەرىپ, بەيبىت ومىرگە جول اشقان وزدەرىڭىزدەي ارداگەرلەرىمىزدىڭ اسقان ەرلىگى مەن ەرەن ەڭبەگى ەشقاشان ۇمىتىلماق ەمەس. جىل وتكەن سايىن جاڭعىرىپ, تاعلىمدى داڭقى ارتا بەرەدى. ەرلىگى-اڭىزعا, ءومىرى – ونەگەگە اينالعان سىزدەر قانداي قۇرمەتكە بولسىن لايىقسىزدار. ەلباسى, «Nur Otan» پارتياسى توراعاسى نۇرسۇلتان نازارباەۆ ۇلى جەڭىستىڭ قاھارماندارى مەن ارداگەرلەرىنىڭ, تىل ەڭبەككەرلەرىنىڭ قوعامداعى ءرولىن ايشىقتاپ, ولارعا لايىقتى قۇرمەت كورسەتۋ كەرەكتىگىن ۇدايى ايتىپ كەلەدى. بۇگىنگى ۇرپاق بويىنداعى وتانسۇيگىشتىك پەن ەڭبەكقورلىق سەكىلدى ىزگى قاسيەتتەر – وسىناۋ سۇراپىل كەزەڭدە ەل تىرەگى بولعان اعا بۋىننىڭ ۇلگى-ونەگەسى مەن ءتالىم-تاربيەسىنىڭ جەمىسى. ءسىزدى داڭقتى مەرەكەمەن قۇتتىقتاي وتىرىپ, وتباسىڭىزعا اماندىق, دەنىڭىزگە ساۋلىق, سارقىلماس كۇش-قۋات تىلەيمىن!» دەلىنگەن.
سونىمەن قاتار «Nur Otan» پارتياسى ماڭعىستاۋ وبلىستىق فيليالىنىڭ توراعاسى, ايماق باسشىسى سەرىكباي ترۇموۆتىڭ اتىنان قارت مايدانگەردى جەڭىستىڭ 75 جىلدىعىمەن قۇتتىقتادى. ودان كەيىن ارداگەرگە ازىق-ت ۇلىك سەبەتى بەرىلدى. بەيبىت ءومىر سىيلاعان ارداگەرلەردىڭ ەرلىكتەرىن پارتيا ەشقاشان نازاردان تىس قالدىرمايدى. «ارداگەرلەردى ارداقتايىق» پارتيالىق جوباسى اياسىندا ارقاشاندا مايدانگەرلەرگە كومەك كورسەتىپ, قامقور بولاتىنىن جەتكىزگەن ەلۋباي ءابىلوۆ, سۇراپىل سوعىستاعى مايدانگەردىڭ كورسەتكەن جاۋجۇرەك ەرلىكتەرىنە بۇگىنگى ۇرپاق باس يەتىنىن ايتا وتىرىپ, نۇروتاندىقتار اتىنان العىسىن ءبىلدىردى.
نۇري تۋمىشەۆ قارت مايدانگەردى جەڭىستىڭ 75 جىلدىعىمەن قۇتتىقتاپ, وبلىستىق ءماسليحات دەپۋتاتتار اتىنان ءوز العىسىن ءبىلدىردى. ماڭعىستاۋ وبلىستىق قورعانىس ىستەرى جونىندەگى دەپارتامەنتىنىڭ باسشىسى, پولكوۆنيك ماقسات تاستانوۆ مەرەكە قارساڭىندا ارداگەرگە « ۇلى جەڭىسكە 75 جىل» مەدالى مەن العىس حات تابىس ەتتى. سەرىكباي تولەتوۆ قارت مايدانگەردى وبلىستىق ارداگەرلەر كەڭەسىنىڭ اتىنان قۇتتىقتادى.
ارداگەر بيسەن بوقانوۆ ەلدىڭ اماندىعىن, ۇرپاقتاردىڭ بەيبىت ەلدە ءومىر سۇرگەنىن تىلەپ, العىسىن ءبىلدىرىپ, اق باتاسىن بەردى.
قازىرگى تاڭدا ماڭعىستاۋ وڭىرىندە ەكىنشىدۇنيەجۇزىلىك سوعىستىڭ 11 ارداگەرى بار. سولاردىڭ ءبىرى بوقاەۆ بيسەن اسكەر قاتارىنا 1942 جىلى شاقىرىلىپ, 1944 جىلى 2-ۋكراينا مايدانىنداعى سوعىس قيمىلدارىنا, ياسسى-كيشينەۆ وپەراتسياسىنا, بەسسارابيانى جانە رۋمىنيانى ازات ەتۋگە قاتىسقان. «قىزىل جۇلدىز», 2-دارەجەلى «وتان سوعىسى», «جاۋىنگەرلىك ەڭبەگى ءۇشىن» مەدالىمەن ماراپاتتالعان. بۇگىندە قارت مايدانگەر اقتاۋ قالاسىندا نەمەرە-شوبەرەلەرىنىڭ اراسىندا ءومىر كەشۋدە.
وڭىردەگى 11 ارداگەرگە جەرگىلىكتى بيۋدجەتتەن 1 ملن تەڭگە بەرىلدى. سونىمەن قاتار سوعىس ارداگەرلەرى مەن مۇگەدەكتەرىنە تەڭەستىرىلگەن 1946 ادامعا 40 پەن 60 ايلىق ەسەپتىك كورسەتكىش ارالىعىندا جەرگىلىكتى بيۋدجەتتەن الەۋمەتتىك كومەك تولەندى.
