اسقان ايۋاندىقتان اجال قۇشقان 1937 جىلى تۋعان ەر ادام مەن ونىڭ 73 جاسار جارىنىڭ مايىتتەرى كوكشەتاۋ قالاسىنداعى كوپقاباتتى ۇيلەردىڭ پاتەرلەرىنىڭ بىرىندە ءساۋىردىڭ 30-ىندا تابىلعان بولاتىن.
تاجىريبەلى قىزمەتكەرلەردەن قۇرالعان تەرگەۋ-جەدەل توبىن اقمولا وبلىستىق پوليتسيا دەپارتامەنتىنىڭ باستىعى ارمانبەك ءبايمۋرزيننىڭ ءوزى باسقاردى. جۇرگىزىلگەن جۇمىستىڭ ناتيجەسىندە كۇدىكتى كوكشەتاۋ قالاسىندا 3 مامىر كۇنى قولعا ءتۇستى. 29 ءساۋىر كۇنى تۇندە, ششۋچينسك سەلوسىنىڭ 24 جاسار تۇرعىنىنىڭ وبلىس ورتالىعىنداعى ءى.ەسەنبەرلين كوشەسىندە ورنالاسقان ءۇيدىڭ 1 قاباتىنداعى پاتەرگە تۇسكەندىگى انىقتالدى.
پاتەر يەلەرى قاراقشىنىڭ قىلمىسىنىڭ ۇستىنەن تۇسكەن. جاساعان ۇرلىعىنىڭ ءىزىن جاسىرۋ ءۇشىن ول قاريالاردى ولتىرگەن, ونىمەن قويماي, جەكە زاتتارىن دا جىمقىرىپ كەتكەن. كۇدىكتىنى قولعا تۇسىرگەن كەزدە ودان زاتتىق ايعاقتار دا تابىلعان. قازىرگى ۋاقىتتا قوس قاريانى قيناپ ولتىرگەن قاندى قول قاراقشى ۋاقىتشا تەرگەۋ يزولياتورىنا قامالدى. سوت الدىنداعى تەرگەۋ امالدارى جالعاسۋدا.
