ايماقتار • 06 مامىر، 2020

شىعىس قازاقستان: وسكەمەندە اكادەميالىق ادالدىق تاقىرىبىندا ونلاين كونفەرەنتسيا ءوتتى

112 رەت كورسەتىلدى

ويشىلدىڭ ۇلتتىق زاڭ جۇيەسىنە قوسقان ۇلەسى دە ءسوز بولدى.

وسكەمەندەگى د.سەرىكباەۆ اتىنداعى شقمتۋ-دا «اباي مۇراسى نەگىزىندە ەتيكالىق نورمالار جانە اكادەميالىق ادالىق» تاقىرىبىندا ونلاين كونفەرەنتسيا ءوتتى. ونلاين كونفەرەنتسياعا ۋنيۆەرسيتەت وقىتۋشىلارى مەن ستۋدەنتتەرىنەن بولەك مەملەكەتتىك قىزمەت ىستەرى اگەنتتىگىنىڭ وبلىس بويىنشا دەپارتامەنتىنىڭ باسشىسى جاننا قابدولداقىزى، وبلىستىق سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ ورىنباسارى  جىگەر بايديلدين جانە پرەزيدەنت جانىنداعى مەملەكەتتىك باسقارۋ اكادەمياسىنىڭ وبلىس بويىنشا فيليالىنىڭ پروفەسسورى گالينا گرىزۋنوۆا مەن اعا وقىتۋشى  گۋلفيا بەرىكبولوۆا قاتىستى.

د

ۋنيۆەرسيتەتتىڭ بىرىنشى پرورەكتورى ساۋلە راحمەتۋللينا كونفەرەنتسيانى اشىپ، اكادەميالىق ادالىقتى ساقتاۋ قاعيدالارىنا جانە ۇلى ويشىلدىڭ ۇلتتىق زاڭ جۇيەسىنە قوسقان ۇلەسىنە توقتالىپ ءوتتى. جاننا قابدولداقىزى ءوزىنىڭ سوزىندە سىبايلاس جەمقورلىقتىڭ الدىن الۋدا اباي ءىلىمى نەگىزىندە ستۋدەنتتەردى ادالدىققا تاربيەلەۋدە وقۋ ورىننىڭ ءرولى ەرەكشە ەكەندىگىن ايتىپ، كونفەرەنتسيا جۇمىسىنا ساتتىلىك تىلەدى. ونلاين كونفەرەنتسيا سپيكەرى جىگەر بايديلدين «پاراساتتىلىق – سىبايلاس جەمقورلىقپەن كۇرەستەگى العىشارت» تاقىرىبىندا بايانداما جاساپ، سىبايلاس جەمقورلىققا قارسى باعىتتار مەن مىندەتتەردى ايقىنداعان زاڭنامالاردىڭ تاريحىنا توقتالدى. جىگەر ەركىنبەك ۇلى ءوز سوزىندە وقۋ ورىندارىندا سىبايلاس جەمقورلىق قۇقىق بۇزۋشىلىقتار جاساۋعا ىقپال ەتەتىن سەبەپتەر مەن جاعدايلار تۋرالى ايتىپ، «سانالى ۇرپاق» جوباسى اياسىندا بولاشاقتا ستۋدەنت جاستاردى بىرىگىپ جۇمىس ىستەۋگە شاقىردى. كەلەسى كەزەكتە ءسوز العان سپيكەرلەر گ.گرىزۋنوۆا مەن گۋلفيا بەرىكبولوۆا پاراساتتىلىق پەن ادالدىق ادامعا نە ءۇشىن قاجەت ەكەنىن، ء بىلىم الۋشىلاردىڭ، ولاردىڭ جەكە ادالدىعىن جانە ءوز جاۋاپكەرشىلىگىن دامىتۋداعى اكادەميالىق ادالدىعىنىڭ نەگىزگى پرينتسيپتەرىنە قاتىستى قۇندى اقپاراتتارمەن ءبولىستى. سونىمەن قاتار  گۋلفيا بەرىكبولوۆانىڭ «جەمقورلىققا قارسى مادەنيەتتى قالىپتاستىرۋداعى پسيحولوگيالىق-پەداگوگيكالىق اسپەكتىلەر» بايانداماسىندا اباي دۇنيەتانىمىنداعى «ۇلتتىق كود» كونتسەپتسياسى، دالانىڭ اشىق زاڭدارى، وتباسىلىق قۇندىلىقتار جايلى وتە قىزىقتى دالەلدەر مەن ويلارى كوپشىلىك كوڭىلىنەن شىقتى. كونفەرەنتسيانىڭ ونلاين قوناعى تاراز ۋنيۆەرسيتەتىنىڭ پرورەكتورى  «اكادەميالىق ادالدىقتىڭ ساياسي ­– ماقساتى ­ جوعارى ءبىلىم بەرۋ ساپاسىن الەمدىك ستاندارتتارعا سايكەستەندىرۋ، ونىڭ باسەكەگە قابىلەتتىلىگىن ارتتىرۋ ءۇشىن وقىتۋشىلار مەن ستۋدەنتتەر اراسىندا ادالدىق قارىم-قاتىناستارىن قالىپتاستىرۋ، الاياقتىققا، جەمقورلىققا، پاراقورلىققا جول بەرمەۋ بولىپ تابىلادى» دەپ اكادەميالىق ادالدىق ساياساتىن بۇزۋشىلىققا قارسى قولدانىلاتىن جازالار مەن تارتىپتىك شارالار تۋرالى ايتىپ، ستۋدەنتتەردى مۇنداي كەلەڭسىزدىكتەردەن اۋلاق بولۋعا شاقىردى.

        كونفەرەنتسيا سوڭىندا ءسوز العان «ماركەتينگ» ءبولىمىنىڭ  3 كۋرس  ستۋدەنتى ەلدار مۇباراكوۆ ابايدىڭ ون جەتىنشى، وتىز ءۇشىنشى قارا سوزدەرىنە توقتالىپ، اكادەميالىق ادالدىق كودەكسىنىڭ تالاپتارىن ورىنداپ، پاراساتتى ورتا قالىپتاستىرۋعا شاقىرسا، ايگەرىم ەرتايقىزى قاتىسۋشىلارعا ءوزىنىڭ دايىنداعان پرەزەنتاتسياسىن تانىستىرىپ، «ەلىمىزدە كەيبىر اقپاراتتى نەمەسە قۇجاتتامانى كوشىرۋ بەلەڭ العان. ءبىزدىڭ ەلىمىزدە «قاراقشىلىق» ادامداردىڭ كوپشىلىگىنىڭ كۇندەلىكتى ومىرىندە كەزدەسەدى. ءتىپتى قاراپايىم ستۋدەنتتەر دە وسىنداي تامىر-تانىستىق جولمەن «جاقسى» باعاعا قول جەتكىزەدى. كوپتەگەن ستۋدەنتتەر كۋرستىق جانە ديسسەرتاتسيالىق جۇمىستارمەن اينالىسىپ، اكادەميالىق ادالدىقتى ۇمىتىپ كەتەدى. وسىندايدا مىنانداي سۇراق تۋىندايدى: ولار جالعان جۇمىس ارقىلى قانداي ءبىلىم الادى؟ شىنىمەن ادال بولۋ، ء ومىر بويعى جولى بولعىشتىق، كوشىرىپ الۋعا دا بولادى، بىراق ءسىزدىڭ جادىڭىزدا ەشتەمە قالمايدى» دەپ ويىن تۇيىندەدى. سونىمەن قاتار  شەتەلدىك وقۋ ورىنداردىڭ ءبىلىم بەرۋ ساياساتىن مىسالعا كەلتىرىپ، امەريكاندىق ستۋدەنتتەردىڭ اكادەميالىق ادالدىق تۇرعىسىنان وتە جوعارى دەڭگەيدە ەكەنىن اتاپ ءوتتى.

وسكەمەن

سوڭعى جاڭالىقتار

ۇقساس جاڭالىقتار