مينيستر جۇمىسپەن قامتۋدىڭ جول كارتاسى اياسىندا قىزمەتكەرلەردىڭ كەمىندە جارتىسى حالىقتى جۇمىسپەن قامتۋ ورتالىقتارى ارقىلى جۇمىسقا قابىلداناتىنىن, باسىمدىق جۇمىسسىز جاستارعا بەرىلەتىنىن اتاپ ءوتتى.
جۇمىسپەن قامتۋدىڭ جول كارتاسى ينفراقۇرىلىمدىق جوبالارىن ىسكە اسىرۋ كەزىندە وتاندىق وندىرۋشىلەردىڭ كەمىندە 90% تاۋارلارى مەن قىزمەتتەرىن قولدانۋدى قامتاماسىز ەتۋ ەرەكشە ەسكەرىلەدى. سونداي-اق مەردىگەرلەر سانيتاريالىق-ەپيدەميولوگيالىق شارالاردى قولدانا وتىرىپ, قاۋىپسىز ەڭبەك جاعدايلارىن قامتاماسىز ەتۋگە ءتيىس.
جەرگىلىكتى اتقارۋشى ورگاندار ىسكە اسىرۋ ءۇشىن 6 506 جوبانى ۇسىندى, ونىڭ 2 410-ى رەسپۋبليكالىق بيۋدجەت قاراجاتى ەسەبىنەن ىسكە اسىرىلاتىن بولادى.
«1 مامىرداعى جاعداي بويىنشا رەسپۋبليكالىق بيۋدجەت قاراجاتى ەسەبىنەن ىسكە اسىرىلاتىن جوبالار بويىنشا 1 779 جوبا (نەمەسە 73,8%) بويىنشا مەملەكەتتىك ساتىپ الۋ كونكۋرستارى اياقتالدى. بىرقاتار وڭىرلەردە 1 265 جوبا بويىنشا جۇمىستار باستالىپ كەتتى, 17 مىڭنان استام جۇمىس ورنى قۇرىلىپ, 10 332 جۇمىسشى جۇمىسقا قابىلداندى», دەدى ءبىرجان نۇرىمبەتوۆ.
جۇمىسپەن قامتۋدىڭ جول كارتاسى اياسىندا بارلىعى 255 مىڭ جۇمىس ورنىن اشۋ جوسپارلانۋدا. بۇل رەتتە جقجك جوبالارى بولاشاقتا 100 مىڭنان استام تۇراقتى جۇمىس ورنىن اشۋعا نەگىز بولادى.
جۇمىسپەن قامتۋدىڭ جول كارتاسى ينفراقۇرىلىمدىق جوبالارىن ىسكە اسىرۋ 4 نەگىزگى باعىت بويىنشا وتەدى:
– الەۋمەتتىك-مادەني وبەكتىلەردى كۇردەلى جانە اعىمداعى جوندەۋ, رەكونسترۋكتسيالاۋ جانە سالۋ (2 703 جوبا);
– تۇرعىن ءۇي-كوممۋنالدىق شارۋاشىلىق وبەكتىلەرىن كۇردەلى, ورتاشا جانە اعىمداعى جوندەۋ, رەكونسترۋكتسيالاۋ (1 039 جوبا);
– ينجەنەرلىك-كولىك ينفراقۇرىلىمىن كۇردەلى, ورتاشا جانە اعىمداعى جوندەۋ, رەكونسترۋكتسيالاۋ جانە سالۋ (1 799 جوبا);
– ەلدى مەكەندەردى اباتتاندىرۋ (965 جوبا).
مينيستر جۇمىسپەن قامتۋدىڭ جول كارتاسىن ىسكە اسىرۋ ايتارلىقتاي وڭ ناتيجە بەرەتىندىگىن اتاپ ءوتتى.
مىسالى, 80 جاڭا ءبىلىم بەرۋ وبەكتىسىنىڭ قۇرىلىسى اپاتتى جانە ءۇش اۋىسىمدى مەكتەپتەردىڭ پروبلەمالارىن شەشۋگە, اۋىلدىق جەرلەردە ءبىلىم بەرۋ ۇيىمدارىنىڭ قولجەتىمدىلىگىن ارتتىرۋعا, سونداي-اق 7 مىڭعا جۋىق پەداگوگتى تۇراقتى جۇمىسقا ورنالاستىرۋعا مۇمكىندىك بەرەدى. 24 دەنساۋلىق ساقتاۋ وبەكتىسىنىڭ قۇرىلىسى العاشقى مەديتسينالىق-سانيتاريالىق كومەككە قولجەتىمدىلىكتى ارتتىرادى, سونداي-اق شامامەن 1 مىڭ مەديتسينا قىزمەتكەرىن جۇمىسقا ورنالاستىرۋعا مۇمكىندىك بەرەدى. 36 مادەنيەت جانە سپورت نىسانىنىڭ قۇرىلىسى بۇقارالىق سپورتتى دامىتۋعا وڭ اسەر ەتەدى, جاستار ءۇشىن بوس ۋاقىت ماسەلەسىن شەشۋگە جانە 1,6 مىڭ ادامدى تۇراقتى جۇمىسپەن قامتاماسىز ەتۋگە مۇمكىندىك بەرەدى.
ءوز كەزەگىندە, سۋ شارۋاشىلىعىنىڭ 12 جاڭا وبەكتىسىن سالۋ جانە قولدانىستاعىلارىن جاڭعىرتۋ حالىق ءۇشىن اۋىز سۋدىڭ قولجەتىمدىلىگىن ارتتىرادى, سۋارمالى جەرلەردىڭ كولەمىن كەڭەيتۋگە, پايدالانىلمايتىن جەرلەردى اينالىمعا تارتۋعا, ارالاس سالالاردا 77 مىڭ ادامدى جۇمىسپەن قامتۋدى قامتاماسىز ەتۋگە مۇمكىندىك بەرەدى. تۇرعىن ءۇي-كوممۋنالدىق شارۋاشىلىقتىڭ 247 جاڭا وبەكتىسىن سالۋ جانە قولدانىستاعىلارىن جاڭعىرتۋ تۇرعىن ءۇي قۇرىلىسى ءۇشىن جاعداي جاسايدى, اۋىل تۇرعىندارى ءۇشىن كوممۋنالدىق قىزمەتتەردىڭ قولجەتىمدىلىگىن قامتاماسىز ەتەدى, كوممۋنالدىق جەلىلەردىڭ توزۋىن تومەندەتەدى. ەلدى مەكەندەردى اباتتاندىرۋ ولاردىڭ سىرتقى كەلبەتىن جاقسارتىپ قانا قويماي, ازاماتتاردىڭ قاۋىپسىز جانە جايلى دەمالىسى ءۇشىن جاعداي جاسايدى.
