كەزدەسۋ جاڭا كونستيتۋتسيا جوباسىنىڭ ماڭىزىن جانە ونىڭ زياتكەرلىك ءارى يننوۆاتسيالىق ۇلت قالىپتاستىرۋداعى ءرولىن تالقىلاۋعا ارنالدى.
ء«بىلىم, عىلىم جانە يننوۆاتسيا رەسمي تۇردە ەل دامۋىنىڭ نەگىزگى رەسۋرستارى مەن قوزعاۋشى كۇشتەرىنە اينالىپ, ەكونوميكالىق ءوسۋدىڭ جاڭا مودەلىندە شەشۋشى ورىن الادى. بۇل تابيعي رەسۋرستارمەن, ونەركاسىپپەن جانە باسقا دا ەكونوميكالىق سالالارمەن قاتار ادامي كاپيتال ساپاسى, ونىڭ جاھاندىق ەكونوميكالىق داعدارىستار مەن گەوساياسي تۇراقسىزدىق كەزەڭىندەگى باسەكەگە قابىلەتتىلىگى الدىڭعى قاتارعا شىعاتىنىن بىلدىرەدى», دەپ اتاپ ءوتتى ايدا بالاەۆا.
ول جاڭا كونستيتۋتسيا جوباسى ازاماتتاردىڭ ءال-اۋقاتىن ارتتىرۋعا جانە ادام قۇقىقتارى ەڭ جوعارى قۇندىلىق رەتىندە ايقىندالعان تۇراقتى مەملەكەت قۇرۋعا باعىتتالعانىن ايتتى. تسيفرلاندىرۋ مەن تەحنولوگيالىق وزگەرىستەر جاعدايىندا عىلىمي ازىرلەمەلەر مەن ەلدىڭ زياتكەرلىك الەۋەتىن دامىتۋ ەرەكشە ماڭىزعا يە بولماق.
عىلىم جانە جوعارى ءبىلىم ءمينيسترى ساياسات نۇربەكتىڭ ايتۋىنشا, مەملەكەت باسشىسى باستاماشى بولعان كونستيتۋتسيالىق رەفورما قازاقستاننىڭ دامۋ مودەلىن تۇبەگەيلى جاڭعىرتىپ, ونىڭ نەگىزىنە ادامي كاپيتالدى قويادى.
«بۇگىندە نەگىزگى رەسۋرس – شيكىزات تا, ينفراقۇرىلىم دا ەمەس, ازاماتتاردىڭ زياتكەرلىك الەۋەتى, ولاردىڭ ءبىلىمى مەن قۇزىرەتى, تەحنولوگيا جاساۋ قابىلەتى. ءبىزدىڭ مىندەتىمىز – قابىلدانعان وزگەرىستەردىڭ فورمالدى ورىندالۋىن ەمەس, ولاردى ادىلەتتى قازاقستان قۇرۋ مۇددەسىنە ساي تولىق ءارى جۇيەلى جۇزەگە اسۋىن قامتاماسىز ەتۋ», دەدى مينيستر.
كەزدەسۋ بارىسىندا ۇلتتىق عىلىم اكادەمياسىنىڭ ۆيتسە-پرەزيدەنتى اسقار جۇمادىلداەۆ, فيلوسوفيا, ساياساتتانۋ جانە ءدىنتانۋ ينستيتۋتىنىڭ باس ديرەكتورى ايگۇل سادۋاقاسوۆا, قازاقستان رەسپۋبليكاسى پرەزيدەنتىنىڭ جانىنداعى ۇلتتىق عىلىم اكادەمياسىنىڭ اكادەميگى ۆياچەسلاۆ لوكشين, اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى بولات تلەپ, ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى جانسەيىت تۇيمەباەۆ عىلىم مەن بىلىمگە كونستيتۋتسيالىق دەڭگەيدە باسىمدىق بەرۋدىڭ ماڭىزىن اتاپ ءوتتى.
جاڭا كونستيتۋتسيا جوباسى بويىنشا رەفەرەندۋمعا قانشا قاراجات جۇمسالادى؟
«بۇل رەفەرەندۋم – ەل دامۋىنىڭ اسا ماڭىزدى كەزەڭى. ازاماتتاردىڭ سانالى تاڭداۋى قۇقىقتىق جۇيەنى نىعايتۋعا جانە مەملەكەتتىك ينستيتۋتتارعا دەگەن سەنىمدى ارتتىرۋعا ىقپال ەتەدى. سوندىقتان عىلىمي قاۋىمداستىقتىڭ قوعامدىق ديالوگقا قوسار ۇلەسى ەرەكشە مانگە يە», دەپ قورىتىندىلادى ايدا بالاەۆا.
كەزدەسۋ سوڭىندا قاتىسۋشىلار رەسپۋبليكالىق رەفەرەندۋمعا بەلسەندى قاتىسۋدىڭ ەلدى جاڭعىرتۋ مەن ونىڭ زياتكەرلىك الەۋەتىن نىعايتۋدىڭ ماڭىزدى قادامى ەكەنىن اتاپ ءوتتى.
جاڭا كونستيتۋتسيا جوباسى بويىنشا رەفەرەندۋمدا قانشا ادام داۋىس بەرە الادى؟
