ماڭعىستاۋ وبلىسى اۋماعىندا, اتاپ ايتقاندا ماڭعىستاۋ اۋدانى شەتپە كەنتىندە جانە قاراقيا اۋدانى سەنەك اۋىلىندا كوروناۆيرۋستىق ينفەكتسيانىڭ كەڭ تارالۋىنا جول بەرمەۋ ماقساتىندا پوليتسيا ورگاندارىنا 12 كارانتيندىك وبەكتىلەردى قورعاۋ ءۇشىن ماڭعىستاۋ اۋدانى تجب, 8-ءوسب جانە جاڭاوزەن قالاسىنىڭ 3-ءموسب جەكە قۇرامى بەرىلدى.
سەنەك اۋىلىندا كۆي ينفەكتسيا جۇقتىرعاندار سانىنىڭ كوبەيۋى بايقالۋدا, وسىعان وراي ماڭعىستاۋ وبلىسىنىڭ قۇتقارۋشىلارىمەن ۆيرۋستىق ينفەكتسيانىڭ تارالۋىنا جول بەرمەۋ بويىنشا ءتيىستى جۇمىستار جۇرگىزىلۋدە. توتەنشە جاعداي ەنگىزىلگەننەن باستاپ ازاماتتىق قورعاۋ ورگاندارى جەرگىلىكتى جەرلەردەگى ناقتى جاعدايعا بايلانىستى ارەكەت ەتەتىنىن جانە حالىقتىڭ قاۋىپسىزدىگىن قامتاماسىز ەتۋ جاعىندا قالماعانىن اتاپ وتكەن ءجون. ءب/و بارلىعى 23 نىسان كارانتينگە الىندى.
وسىلايشا, 2020 جىلدىڭ 20 ناۋرىزىنان باستاپ 51 ەلدى مەكەندە ادامدار جينالۋى مۇمكىن 4112 وبەكتىنى قامتي وتىرىپ, كۆي جەكە قورعانۋ تاسىلدەرى مەن شارالارىن حالىق اراسىندا ناسيحاتتاۋ بويىنشا كۇندەلىكتى پروفيلاكتيكالىق ءىس-شارالار وتكىزىلدى. وسى ماقساتتا ازاماتتىق قورعاۋ ورگاندارىنىڭ قىزمەتكەرلەرى 906 ادام (وسە وتىرىپ), داۋىس زورايتقىش قوندىرعىلارى بار قىزمەتتىك اۆتوكولىكتەردە جالپى سانى 365 بىرلىك تارتىلدى. دەنساۋلىق ساقتاۋ وبەكتىلەرىندە قىزمەت كورسەتەتىن پەرسونالمەن جانە مەديتسينا قىزمەتكەرلەرىمەن 225 رەت نۇسقاۋلىق وتكىزىلدى. سونىمەن قاتار, كۇن سايىن حالىقتى حابارلاندىرۋدىڭ اۋماقتىق جۇيەسى بويىنشا سيرەنو-سويلەۋ قوندىرعىلارىن قولدانۋ ارقىلى حاباردار ەتۋ جۇرگىزىلەدى.
سونىمەن قاتار باق-پەن بايلانىس بەلسەندى جولعا قويىلعان.
